Ádilet mınıstrligi «Statı isi» jabylǵanyn aıtty

Foto: ehonews.kz

“Statı isine” resmı túrde núkte qoıyldy, dep jazdy qandastar.kz

Ádilet mınıstrligi daýdyń túpkilikti sheshilgenin habarlady. 2024 jyldyń shildesinde Úkimet, Ulttyq Banki jáne Statı taraptary munaı men gazǵa qatysty kıkiljińdi sheshetin zańdyq kúshi bar kelisim jasasty. Sonyń negizinde barlyq sot proesteri toqtady. Kelisim qupııa bolyp qalmaq.

Qazaqstan moldovalyq kásipkermen 13 jyl boıy sottasty. Sol úshin bıýdjetten qyrýar qarjy bólindi. Beıresmı málimet boıynsha, Qazaqstan bıligi jyl saıyn sheteldik advokattardy jaldaýǵa $60 mln jumsap otyrǵan.

Moldovalyq kásipker Qazaqstan bıligin ózderiniń menshigine reıderlik jasady dep aıyptap, 2010 jyly halyqaralyq arbıtrajǵa júgingen edi. Shaǵymdar Nıderlandy, Belgııa, Lıýksembýrg, Shveııa, Ulybrıtanııa jáne AQSh sottarynda qaraldy. Sonyń kesirinen bir kezderi Ulttyq qor buǵattalyp, Samuryq-Qazyna aktıvterine shekteý qoıylǵan.