ادىلەتتى انا كاپيتالىن جاساقتايتىن ۋاقىت جەتتى – ەرلان سايىروۆ

«ەكونوميكانى دامىتۋدىڭ باستى قاينار كوزى — ادام. ال سول ادامدى دۇنيەگە اكەلەتىن ءبىزدىڭ نازىك جاندى ايەلدەر. مەملەكەتتىڭ باستى قۇندىلىعى ادامدى دۇنيەگە اكەلەتىن ايەل جاندار جونىندە مەملەكەتتىك قامقورلىق جاساپ, ولاردىڭ جان دۇنيەسىن ايالاپ, دەنساۋلىعىنا ءمان بەرۋ باستى مىندەت! ايەل جانى بوسانعاننان كەيىن دەنساۋلىعىن ساقتاۋ ءۇشىن قانداي شارالار قاراستىرىلعان? ەلىمىزدە بالا تۋعاننان كەيىن بەرىلەتىن جاردەماقى بار. ونىڭ مولشەرى 1-3 بالاعا 140 مىڭ تەڭگە, ءتورت, ودان كوپ بالاعا 232 مىڭ تەڭگەنى قۇرايدى. بىراق, شىنىنا كەلسەك, بۇل ايەلگە وتەماقى ەمەس, بالانىڭ كۇتىمىنە بەرىلەتىن سوما», — دەدى دەپۋتات.

ونىڭ دەرەگىنشە, رەسەيدە انا كاپيتالىنىڭ سوماسى ءبىرىنشى بالاعا 639 مىڭ رۋبل, ياعني 3 ملن 195 مىڭ تەڭگە, ەكىنشى بالاعا 883 مىڭ رۋبل, ياعني 7 ملن تەڭگەگە تەڭ.