جاڭالىقتار
ادۆوكات اپەللياتسيالىق سوتتا بايجانوۆقا قاتىستى ۇكىمنىڭ كۇشىن جويۋدى سۇرادى
استاناداعى اپەللياتسيالىق سوت وتىرىسىندا سوتتالۋشى باقىتجان بايجانوۆتىڭ ادۆوكاتى ۇكىمنىڭ كۇشىن تولىعىمەن جويۋدى جانە ءىستى قايتا قاراۋدى سۇرادى,-دەپ حابارلايدى Qandastar.kz
بايجانوۆتىڭ ادۆوكاتى عازيز ىنتىقباەۆ سوت ۇكىمىن شىعارعان القابيلەرگە سۇراقتار دۇرىس قويىلماعانىن ايتتى.
بۇل بايجانوۆتىڭ جاعدايىن قيىنداتىپ, ونى اقتالۋ مۇمكىندىگىنەن ايىرعان كورىنەدى. ىنتىقباەۆ نەگىزگى سوت تالقىلاۋىنداعىداي تاعى دا بايجانوۆتى اقتاۋعا تىرىستى. ول سوتتالۋشى قىلمىس ءىزىن جاسىرۋعا كومەكتەسپەگەنىن, ويتكەنى سالتانات نۇكەنوۆا قايتىس بولعانىن بىلمەگەنىن العا تارتتى.
«بايجانوۆ بۇرىن سوتتالماعان. مىنەز-قۇلقى جاعىمدى, الكوگول تۇتىنبايدى. قازىر ءۇش بالانى تاربيەلەپ وتىر, ايەلى جۇمىس ىستەي المايدى. بىراق سوت وعان ەڭ اۋىر جازا تاعايىنداپ, 4 جىلعا باس بوستاندىعىنان ايىردى. بۇل قالاي بولعانى? نەگە رەتسيديۆيستەر مەن بۇرىن سوتتالعاندار از الادى, ال بايجانوۆقا اۋىر جازا تاعايىندالادى», – دەدى ادۆوكات.
بۇل رەتتە ىنتىقباەۆ قورعاۋىنداعى سوتتالۋشىنىڭ جازاسىن جەڭىلدەتۋدى ەمەس, ونى تولىق اقتاۋدى سۇرادى. «مەن بايجانوۆقا قاتىستى ءىستى جاڭا سوت تالقىلاۋىنا جىبەرە وتىرىپ, ۇكىمنىڭ كۇشىن تولىق نەگىزدە جويۋدى سۇرايمىن», – دەدى قورعاۋشى.
