Advokat apellıaııalyq sotta Baıjanovqa qatysty úkimniń kúshin joıýdy surady

Astanadaǵy apellıaııalyq sot otyrysynda sottalýshy Baqytjan Baıjanovtyń advokaty úkimniń kúshin tolyǵymen joıýdy jáne isti qaıta qaraýdy surady,-dep habarlaıdy Qandastar.kz

Baıjanovtyń advokaty Ǵazız Yntyqbaev sot úkimin shyǵarǵan alqabılerge suraqtar durys qoıylmaǵanyn aıtty.

Bul Baıjanovtyń jaǵdaıyn qıyndatyp, ony aqtalý múmkindiginen aıyrǵan kórinedi. Yntyqbaev negizgi sot talqylaýyndaǵydaı taǵy da Baıjanovty aqtaýǵa tyrysty. Ol sottalýshy qylmys izin jasyrýǵa kómektespegenin, óıtkeni Saltanat Núkenova qaıtys bolǵanyn bilmegenin alǵa tartty.

«Baıjanov buryn sottalmaǵan. Minez-qulqy jaǵymdy, alkogol tutynbaıdy. Qazir úsh balany tárbıelep otyr, áıeli jumys isteı almaıdy. Biraq sot oǵan eń aýyr jaza taǵaıyndap, 4 jylǵa bas bostandyǵynan aıyrdy. Bul qalaı bolǵany? Nege reıdıvıster men buryn sottalǵandar az alady, al Baıjanovqa aýyr jaza taǵaıyndalady», – dedi advokat.

Bul rette Yntyqbaev qorǵaýyndaǵy sottalýshynyń jazasyn jeńildetýdi emes, ony tolyq aqtaýdy surady. «Men Baıjanovqa qatysty isti jańa sot talqylaýyna jibere otyryp, úkimniń kúshin tolyq negizde joıýdy suraımyn», – dedi qorǵaýshy.