جاڭالىقتار
ادۆوكات “ديكي ارماننىڭ” اكەسى پروكۋرور ەكەنىن ايتتى
فوتو: جەكە قورىنان
ادۆوكات ءلاززات احاتوۆا «ديكي ارمان» ەسىمىمەن تانىمال ارمان دجۋماگەلديەۆ تۋرالى ەل بىلمەيتىن اقپاراتپەن ءبولىستى. بۇل تۋرالى ادۆوكات Instagram جەلىسىندە جازدى, دەپ حابارلايدى qandastar.kz اقپارات پورتالى.
«ديكي ارماننىڭ سوتتاعى سوڭعى ءسوزى دەپ, “مەن تۇرمەدە ماڭگى وتىرمايمىن, سەندەر ماڭگى سۋديا مەن پروكۋرور بولمايسىڭدار. ادام بوپ قالايىق” دەگەن ونشا قيىسپايتىن, ۇيلەسپەيتىن سوزدەردى جەلىگە سالىپ جاتىر ەكەن, ءبىر كىسىلەر. نەگىزى بىزگە سونداي پوپۋليزمگە جاقىنداۋ نارسەلەر قىزىق قوي. قىلمىس الەمىنىڭ سەركەسى, “ديكي ارمان” دەگەن اتپەن تانىمال جۇماگەلديەۆ ارماننىڭ اكەسى جايلى ماعلۇمات ەستىپ پە ەدىڭىزدەر? جالعىزباستى اناسى تاربيەلەگەنىن بىلەتىندەر بار بولار. ال اكەسى جايلى مالىمەت ايتىلمايدى. جاقىندا ارىپتەستەرىمنەن اكەسىنىڭ كىم ەكەنىن ەستىپ, اۋزىم اشىلدى. نەكەسىز تۋعان بالا ەكەن, بۇل جىگىت. كىمنىڭ ۇلى دەيسىزدەر مە? پروكۋروردىڭ… ءيا, اكەسى وڭتۇستىك وڭىرىنە بەلگىلى پروكۋراتۋرا قىزمەتكەرى ەكەن. تالاي كورگەن ادامىم ەكەنىن بىلگەندە, رەاكتسيامنىڭ قانداي بولعانىن ايتپاي-اق قويايىن…», — دەدى ول.
سونداي-اق زاڭگەر اكەنىڭ بالا تاربيەسىندەگى ءرولىن دە ايتا كەتتى.
«بۇنى قىزىق ءۇشىن جازىپ وتىرعان جوقپىن. ءبىزدىڭ قوعامدا اكەنىڭ, ەرلەردىڭ بالانىڭ ومىرىنە, تاعدىرىنا, تاربيەسىنە جاۋاپكەرشىلىگى وتە از ەكەنىن, بار جاۋاپكەرشىلىك تە, تاۋقىمەت تە ءالسىز ايەلدىڭ موينىنا ارتىلاتىنىن ويلانىپ كەتتىم… اكەنىڭ ءبارى بىردەي ەمەس, نەبىر ازاماتتار بارشىلىق قوي, ەشقانداي بالاسىن وگەيسىتپەي, بارىنە جاۋاپكەرشىلىكپەن قارايتىن. بىراق… تانىمال, لاۋازىمدى ادامداردىڭ اراسىندا دا نەكەسىز بالالارىن تاعدىر تالكەگىنە شىمىرىكپەي تاستاپ, جايباراقات ءومىر سۇرە بەرەتىندەردىڭ كوپتىگى ويلاندىرماي قويمايدى ەكەن… ول جەزوكشە بوپ, اركىمنىڭ قولىنداعى قۋىرشاققا اينالا ما, جوق, اتىشۋلى قىلمىسكەر بوپ كەتە مە, ءبارىبىر. ولاردىڭ جۇرەگىندەگى جارا, مۇڭ, اكەگە دەگەن ماڭگىلىك ساعىنىش, الا الماعان ماحاببات, وكپە-نالا — وسىنداي بۇرالاڭ جولدارعا تۇسۋلەرىنە سەبەپ بولدى ما ەكەن دەپ تە ويلاپ, قۋاتىن بوپپىن, سوڭعى كەزدە. ءبىر كۇنى پسيحولوگ بوپ كەتپەسەم بولدى», — دەپ تۇيىندەدى زاڭگەر.
