Advokat Erbaıan Muhtardyń qazirgi jaǵdaıymen bólisti

Foto: inbusiness.kz

Advokat Inga Imanbaı áskerde jaralanǵan sarbaz Erbaıan Muhtardyń densaýlyǵy jóninde aqparat berdi, dep habarlaıdy qandastar.kz

Áleýmettik jelidegi jazbasynda Inga Imanbaı Erbaıandy kórip qaıtqanyn jazdy. Advokat Erbaıannyń aldaǵy eminiń jalǵasyp, qylmystyq isiniń tergeý barysyn ata-anasymen talqylaǵan.

«Shúkir, jaǵdaıy birqalypty. Sońǵy ret ony Ystambulǵa ushar aldynda kórgen edim. Qazir áldeqaıda jaqsy: salmaq qosyp, beti tolysyp qalǵan. Bir aıdan keıin emniń ekinshi kezeńi – reabılıtaııa bastalady. Erbaıanǵa da, ata-anasyna da sizderdiń ystyq yqylastaryńyz ben qoldaýlaryńyzdy jetkizdim. Olar barsha halyqqa alǵysyn jaýdyryp jatyr. Biz birge qoldaý kórsetip, Erbaıannyń aıaǵyna nyq turýyna kómektesemiz! Al qylmystyq is boıynsha – Erbaıandy osy kúıge túsirgender tıisti jazasyn alǵansha kúresti toqtatpaımyz. Ádilettik úshin birgemiz!», – dep jazdy Inga Imanbaı.