AES qurylysy eki jyl ishinde bastalady

Foto: ashyq derekkóz

Energetıka mınıstri Almasadam Sátqalıev Almaty oblysy Jambyl aýdanynda atom elektr stanııasyn salý merzimin shamamen eseptedi, dep habarlaıdy qandastar.kz

Halyqaralyq tájirıbede mundaı aýqymdy jobalardy jobalaý úsh jylǵa deıin ýaqyt alady.

«Eger jalpy qurylys jobalary týraly aıtatyn bolsaq, merzim qysqaraq – shamamen eki jyl ishinde. Biraq negizgi nysannyń qurylysyn tehnıkalyq-ekonomıkalyq negizdeme, jobalyq qujattama tolyq aıaqtalyp, memlekettik organdardan qajetti ruqsattar alynǵannan keıin birden bastaımyz», – dedi Sátqalıev.

Eske salaıyq, kúni keshe Qazaqstanda AES salynatyn oryn anyqtalǵan bolatyn.

Dalanews.kz jazǵandaı,  AES Almaty oblysyndaǵy Jambyl aýdanynda salynbaq.

«Almaty oblysynyń Jambyl aýdany – «Atom elektr stanııasy» ıadrolyq qondyrǵysy salynatyn aýdan týraly sheshim qabyldansyn», — delingen Úkimet qaýly.

Bul sheshim 2024 jylǵy 30 jeltoqsanda qabyldanǵan edi.

Alaıda qujat resmı túrde búgin ıaǵnı 25 aqpanda kúshine enedi.

Buǵan deıin AES qurylysy boıynsha tórt kompanııamen dıalog aıaqtalǵan bolatyn.