اەس قۇرىلىسى ەلەكتر ەنەرگياسىنىڭ قۇنىن تومەندەتەدى

Photo credit: inform.kz

بۇگىندە ەلىمىزدە ەلەكتر ەنەرگياسىنىڭ قۇنى قىمباتتاپ بارادى. 1 كۆت/ساع باعاسى قازىردىڭ وزىندە 35-37 تەڭگەدەن اسقان, – دەپ حابارلايدى qandastar.kz.

بۇل تۋرالى استانادا وتكەن قوعامدىق تالقىلاۋدا KAZBRAND قازاقستاندىق ازىق-ت ۇلىك كومپانياسىنىڭ باس ديرەكتورى الماز زاريپوۆ ايتتى.

قازاقستانداعى اەس قۇرىلىسىن تالقىلاۋ شاراسىندا ول بىزدە ەلەكتر ەنەرگياسى كورشى ەلدەرگە قاراعاندا قىمبات ەكەنىن العا تارتتى. ال مۇنداي باعامەن باسەكەلەسۋ دە, ءونىم ءوندىرۋ دە وتە قيىن.

«سوندىقتان بىزگە ارزان ەلەكتر ەنەرگيا قاجەت. مۇنىڭ ەكونوميكاعا قالاي اسەر ەتەتىنى ءبىز ءۇشىن وتە ماڭىزدى. اتوم ەلەكتر ستانتسيالارىنىڭ قۇرىلىسى مەن مونتاجى ەلەكتر ەنەرگياسىنىڭ وزىندىك قۇنىن ايتارلىقتاي تومەندەتۋگە, سول ارقىلى وندىرىلگەن ءونىمنىڭ وزىندىك قۇنىن تومەندەتۋگە جانە باسەكەگە قابىلەتتى بولۋعا مۇمكىندىك بەرەتىنىنە زەر سالساق, بۇل ماسەلەدە وڭ ءۇردىس بولماق», – دەيدى الماز زاريپوۆ.