AES qurylysy elektr energııasynyń qunyn tómendetedi

Photo credit: inform.kz

Búginde elimizde elektr energııasynyń quny qymbattap barady. 1 kVt/saǵ baǵasy qazirdiń ózinde 35-37 teńgeden asqan, – dep habarlaıdy qandastar.kz.

Bul týraly Astanada ótken qoǵamdyq talqylaýda KAZBRAND qazaqstandyq azyq-túlik kompanııasynyń bas dırektory Almaz Zarıpov aıtty.

Qazaqstandaǵy AES qurylysyn talqylaý sharasynda ol bizde elektr energııasy kórshi elderge qaraǵanda qymbat ekenin alǵa tartty. Al mundaı baǵamen básekelesý de, ónim óndirý de óte qıyn.

«Sondyqtan bizge arzan elektr energııa qajet. Munyń ekonomıkaǵa qalaı áser etetini biz úshin óte mańyzdy. Atom elektr stanııalarynyń qurylysy men montajy elektr energııasynyń ózindik qunyn aıtarlyqtaı tómendetýge, sol arqyly óndirilgen ónimniń ózindik qunyn tómendetýge jáne básekege qabiletti bolýǵa múmkindik beretinine zer salsaq, bul máselede oń úrdis bolmaq», – deıdi Almaz Zarıpov.