«اەس قۇرىلىسىن ءبولىپ تولەۋگە بولادى». ەلىمىزدە اەس قالاي سالىنباق

فوتو: obvk.kz

قازاقستاندا ءبولىپ تولەۋ ارقىلى اتوم ەلەكتر ستانتسياسىن (اەس) سالۋ مۇمكىندىگى تالقىلانۋدا, دەپ حابارلايدى qandastar.kz ozgeris.info سىلتەمە جاساپ.

ۇلتتىق ەكونوميكا ۆيتسە-ءمينيسترى ارمان قاسەنوۆ ازىرگە قانداي كومپانيا اەس سالاتىنى جانە جوبانى قارجىلاندىرۋ قالاي جۇرگىزىلەتىنى تۋرالى شەشىم قابىلدانباعانىن مالىمدەدى.

«قارالىپ وتىرعان نۇسقالاردىڭ ءبىرى — ءبولىپ تولەۋ ارقىلى اەس سالۋ. بۇل جوبامەن اينالىساتىن كومپانيا تولەمدەردى كەيىنگە قالدىرۋدى ۇسىنا الادى, بۇل قۇرىلىس كەزەڭىندە ايتارلىقتاي شىعىنداردى بولدىرماۋعا مۇمكىندىك بەرەدى», — دەپ ءتۇسىندىردى قاسەنوۆ.

ول سونداي-اق ازىرگە قارجىلاندىرۋ ماسەلەسى بويىنشا ناقتى اقپارات جوق ەكەنىن, ويتكەنى قۇرىلىسقا كىمنىڭ جاۋاپتى بولاتىنى انىقتالماعانىن اتاپ ءوتتى.

جوبانىڭ ىقتيمال زالالدىلىعى تۋرالى سۇراققا جاۋاپ بەرە وتىرىپ, ۆيتسە-مينيستر:

«جوبا زالالدى بولا المايدى, سەبەبى ونىڭ پايدالىلىعى تاريفتەرگە بايلانىستى بولادى. جوباعا بايلانىستى بارلىق شىعىستار تاريفتەرگە ەنگىزىلىپ, ولار ارقىلى وتەلەتىن بولادى.»,- دەپ جاۋاپ بەردى.