AES qurylysyna qatysty referendýmda daýys berý bastaldy

Foto: ashyq derekkóz

Qazaqstanda AES qurylysyna baılanysty referendýmda daýys berý bastaldy.

Aıta keteıik, elimizdiń 84 ýchaskesinde daýys berý tańǵy altyda bastaldy, dep habarlaıdy qandastar.kz.

Onyń ishinde áskerı ýchaskeler men keıbir vahtalyq aýyldar bar. Bul osy ýchaskelerdegi jumystyń nemese qyzmettiń erekshe tártibine baılanysty.

Al qalǵan (10 myńnan astam) ýchaskede daýys berý tańǵy 07.00 shamasynda bastalady.

Buǵan deıin habarlanǵanyndaı, 1 shildedegi jaǵdaı boıynsha el kóleminde 12 176 968 adam referendýmǵa qatysý múmkindigine ıe.

Ortalyq referendým komıssııasynyń tóraǵasy Nurlan Ábdirovtiń aıtýynsha, daýys berýge arnalǵan 10 323 ýchaske, onyń ishinde 59 sheteldegi mekemeler janynan ashylǵan 74 referendým ýchaskesi jumys isteıdi.