جاڭالىقتار
اەس-ءتى سەمەي پوليگونى ماڭىنا سالۋ ۇسىنىلدى
فوتو: اشىق دەرەككوز
سەنات دەپۋتاتى اندرەي لۋكين ۇكىمەت باسشىسىنا ساۋال جولداپ, اتوم ەلەكتر ستانتسياسىن اباي وبلىسىنىڭ كۋرچاتوۆ قالاسىندا سالۋدى ۇسىندى, دەپ جازادى qandastar.kz
atamekenbusiness_qaz جازىلعانداي, سەمەي يادرولىق پوليگونى كەزىندە اتوم ەنەرگەتيكاسىنا قاتىستى ءبىرشاما عىلىمي ورتالىقتار جۇمىس ىستەگەن. سول ورتالىقتار ءالى دە بار. ءتىپتى قالا بيۋدجەتىنىڭ تەڭ جارتىسى وسى عىلىمي نىسانداردىڭ سالىقتىق تۇسىمدەرىمەن تولىعىپ وتىر دەدى. دەپۋتات وسى مۇمكىندىكتى پايدالانۋ قاجەت دەگەن پىكىردە.
«اتومدىق ەنەرگەتيكا سالاسىن دامىتۋدا كۋرچاتوۆ قالاسىنىڭ ءرولى زور بولماق. ول ءۇشىن كۋرچاتوۆ ماڭىندا دامىعان جەلىلىك ينفراقۇرىلىم بار جانە ەنەرگەتيكالىق قۋاتتى اپاتتىق جاعدايدا رەزەرۆكە الۋ مۇمكىندىگى دە جوعارى. سونىمەن بىرگە اتوم ەلەكتر ستانتسيالارىن سالۋ مەن پايدالانۋدى عىلىمي-تەحنيكالىق قامتاماسىز ەتۋگە بارلىق جاعداي جاسالعان. قالا سەيسميكالىق تۇراقتى ايماقتا ورنالاسقان. راديواكتيۆتى قالدىقتاردى ساقتاۋدىڭ الەۋەتتى رەسۋرستارى بار جانە سۋ تاپشىلىعى تۋىندامايدى»,- دەدى لۋكين.
