Jańalyqtar
AES-ti Semeı polıgony mańyna salý usynyldy
Foto: ashyq derekkóz
Senat depýtaty Andreı Lýkın Úkimet basshysyna saýal joldap, atom elektr stanııasyn Abaı oblysynyń Kýrchatov qalasynda salýdy usyndy, dep jazady qandastar.kz
atamekenbusiness_qaz jazylǵandaı, Semeı ıadrolyq polıgony kezinde atom energetıkasyna qatysty birshama ǵylymı ortalyqtar jumys istegen. Sol ortalyqtar áli de bar. Tipti qala bıýdjetiniń teń jartysy osy ǵylymı nysandardyń salyqtyq túsimderimen tolyǵyp otyr dedi. Depýtat osy múmkindikti paıdalaný qajet degen pikirde.
«Atomdyq energetıka salasyn damytýda Kýrchatov qalasynyń róli zor bolmaq. Ol úshin Kýrchatov mańynda damyǵan jelilik ınfraqurylym bar jáne energetıkalyq qýatty apattyq jaǵdaıda rezervke alý múmkindigi de joǵary. Sonymen birge atom elektr stanııalaryn salý men paıdalanýdy ǵylymı-tehnıkalyq qamtamasyz etýge barlyq jaǵdaı jasalǵan. Qala seısmıkalyq turaqty aımaqta ornalasqan. Radıoaktıvti qaldyqtardy saqtaýdyń áleýetti resýrstary bar jáne sý tapshylyǵy týyndamaıdy»,- dedi Lýkın.
