جاڭالىقتار
اەس تولىق جۇمىس ىستەۋى ءۇشىن اتوم ەنەرگەتيكاسى سالاسىندا جوعارى ءبىلىمى بار 400 قىزمەتكەر قاجەت
فوتو: استانا قالاسىنىڭ ءماسليحاتى
حالىقارالىق تاجىريبەگە سايكەس, اتوم ەنەرگەتيكاسى وبەكتىلەرى ءۇشىن ماماندارعا قاجەتتىلىك شامامەن 2000 ادامدى قۇرايدى, ونىڭ 1600-ءى جەدەل پەرسونال. استانا ءماسليحاتىنىڭ مالىمەتىنشە, مۇنداي نىسانداردىڭ تولىققاندى جۇمىس ىستەۋى ءۇشىن اتوم ەنەرگەتيكاسى سالاسىندا جوعارى ءبىلىمى بار 400 قىزمەتكەر قاجەت, دەپ حابارلايدى qandastar.kz El.kz اقپارات اگەنتتىگىنە سىلتەمە جاساپ.
بۇل تۋرالى «يادرولىق فيزيكا ينستيتۋتى» رمك باس ديرەكتورى سايابەك ساحيەۆ قازاقستاندا اەس سالۋ ماسەلەسى بويىنشا كوپشىلىك تالقىلاۋ بارىسىندا ايتتى.
اتوم ەنەرگەتيكاسى سالاسىنداعى قاجەتتى ماماندار الماتىداعى ءال-فارابي اتىنداعى قازاق ۇلتتىق ۋنيۆەرسيتەتىندە, استانادا ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە جانە وسكەمەندەگى ەكى ۋنيۆەرسيتەتتە دايارلاناتىن بولادى. قازىرگى ۋاقىتتا 1649 ستۋدەنت «يادرولىق فيزيكا», «يادرولىق ەنەرگەتيكاعا ارنالعان ماتەريالدار» جانە «يادرولىق فيزيكا جانە اتوم ەنەرگەتيكاسى» باعىتتارى بويىنشا وقۋدان ءوتتى. وسى ماماندىقتار بويىنشا وقيتىن ستۋدەنتتەر نەگىزگى تاجىريبەدەن ءوتۋ ءۇشىن يادرولىق فيزيكا ينستيتۋتى مەن ۇلتتىق يادرو ورتالىعىن تاڭداي الادى. ءبىزدىڭ ينستيتۋت 30-دان استام حالىقارالىق عىلىمي ورتالىقپەن جانە وقۋ ورىندارىمەن ىنتىماقتاسادى, – دەدى سايابەك ساحيەۆ.
ەسكە سالا كەتەيىك, وسىعان دەيىن اتوم ەنەرگەتيكاسى وبەكتىلەرى ءۇشىن ماماندارعا قاجەتتىلىك شامامەن 2000 ادامدى قۇرايتىنى تۋرالى ايتىلدى. ونىڭ ىشىندە 1600-ءى جەدەل پەرسونال قاتارىندا بولادى. جالپى اەس تولىق جۇمىس ىستەۋى ءۇشىن جوعارى ءبىلىمى بار 400 قىزمەتكەر قاجەت.
