AES tolyq jumys isteýi úshin atom energetıkasy salasynda joǵary bilimi bar 400 qyzmetker qajet

Foto: Astana qalasynyń máslıhaty

Halyqaralyq tájirıbege sáıkes, atom energetıkasy obektileri úshin mamandarǵa qajettilik shamamen 2000 adamdy quraıdy, onyń 1600-i jedel personal. Astana máslıhatynyń málimetinshe, mundaı nysandardyń tolyqqandy jumys isteýi úshin atom energetıkasy salasynda joǵary bilimi bar 400 qyzmetker qajet, dep habarlaıdy qandastar.kz El.kz aqparat agenttigine silteme jasap.

Bul týraly «Iadrolyq fızıka ınstıtýty» RMK Bas dırektory Saıabek Sahıev Qazaqstanda AES salý máselesi boıynsha kópshilik talqylaý barysynda aıtty.

Atom energetıkasy salasyndaǵy qajetti mamandar Almatydaǵy Ál-Farabı atyndaǵy Qazaq ulttyq ýnıversıtetinde, Astanada L. N. Gýmılev atyndaǵy Eýrazııa ulttyq ýnıversıtetinde jáne О́skemendegi eki ýnıversıtette daıarlanatyn bolady. Qazirgi ýaqytta 1649  stýdent «Iadrolyq fızıka», «Iadrolyq energetıkaǵa arnalǵan materıaldar» jáne «Iadrolyq fızıka jáne atom energetıkasy» baǵyttary boıynsha oqýdan ótti. Osy mamandyqtar boıynsha oqıtyn stýdentter negizgi tájirıbeden ótý úshin Iadrolyq fızıka ınstıtýty men Ulttyq ıadro ortalyǵyn tańdaı alady. Bizdiń ınstıtýt 30-dan astam halyqaralyq ǵylymı ortalyqpen jáne oqý oryndarymen yntymaqtasady, – dedi Saıabek Sahıev.

Eske sala keteıik, osyǵan deıin atom energetıkasy obektileri úshin mamandarǵa qajettilik shamamen 2000 adamdy quraıtyny týraly aıtyldy. Onyń ishinde 1600-i jedel personal qatarynda bolady. Jalpy AES tolyq jumys isteýi úshin joǵary bilimi bar 400 qyzmetker qajet.