Afınada qazaq kınosynyń kúnderi ótti

foto: pexels

Grekııa astanasy Afına qalasynda qazaq kınosynyń kúnderi ótti,  dep habarlaıdy Qandastar.kz saıty mınıstrliktiń baspasóz qyzmetine silteme jasap.

26-28 mamyr aralyǵynda ótken is-shara Qazaqstan Respýblıkasy Mádenıet jáne aqparat mınıstrligi men «Qazaqfılm» ulttyq kınostýdııasynyń qoldaýymen uıymdastyryldy. 

Festıval aıasynda Qazaqstan tarıhy, mádenıeti men halyq batyrlary jaıly baıandaıtyn klassıkalyq jáne zamanaýı fılmder grek kórermenine usynyldy. Kıno kúnderi saq patshaıymy Tomırıs týraly tarıhı drama – «Tomırıs» fılminiń kórsetilimimen ashyldy. Erkindik pen batyldyqtyń sımvolyna aınalǵan áıel tulǵasy týraly bul týyndy kórermenderdiń erekshe qyzyǵýshylyǵyn týdyrdy. Osyǵan baılanysty Grekııada fılmdi prokatqa shyǵarý jóninde kelissózder bastaldy.

Sonymen qatar, kórermender aty ańyzǵa aınalǵan «Dos-Muqasan» ansambli týraly fılmdi jáne «Qazaqfılm» qalpyna keltirgen otandyq kıno klassıkasy – «Meniń atym Qoja» týyndysyn tamashalady.

Kórsetilimderden keıin qazaqstandyq akterler men rejısserler, sondaı-aq grek kınoındýstrııasynyń ókilderi qatysqan shyǵarmashylyq kezdesýler men pikirtalastar ótti.

Festıvalge qatysýshylardyń pikirinshe, mundaı mádenı almasý sharalary – Qazaqstan men Grekııa halyqtary arasyndaǵy ózara túsinistik pen yntymaqtastyqty nyǵaıtýdyń tıimdi joly.

Osylaısha, Afınada ótken qazaq kınosynyń kúnderi grek kórermeniniń zor yqylasyna bólenip, eki el arasyndaǵy mádenı baılanysty tereńdete tústi.