«قورلاۋ – مادەنيەتىمىزگە جات.»: ءانشى ەرلان رىسقالي ءاليا ءاشىم تۋرالى ويىن ايتتى

ءداستۇرلى ءانشى ەرلان رىسقالي بلوگەر ءاليا ءاشىمدى قولداپ, ونى قاتاڭ سىناماۋعا شاقىردى, دەپ حابارلايدى Qandastar.kz.

بۇل تۋرالى ول Instagram-داعى پاراقشاسىندا جازدى.

«الەۋمەتتىك جەلىدە ءاليا ءاشىمنىڭ “اباي مەن ءدىلدا نەتكەن” دەگەن ۆيدەوسى قىزۋ تالقىعا ءتۇسىپ جاتىر ەكەن. ءيا, ۆيدەوداعى وي-پايىم ءسال توسىنداۋ. بىراق سوعان بولا ءاليانىڭ بۇعان دەيىنگى اعارتۋشىلىق ەڭبەگىن, ۇلت ءۇشىن جاساپ جۇرگەن ىزدەنىسىن, زەرتتەۋلەرىن جوققا شىعارۋ – ادىلەتسىزدىك.

ءاليا – ۇلتقا جانى اشيتىن, قازاق مادەنيەتى مەن تاريحىنا تەرەڭ بويلاعان, سان ءتۇرلى تىڭ تاقىرىپتاردى قوزعاپ جۇرگەن تالانتتى, ىزدەنىمپاز جۋرناليست. ونىڭ جاريالاعان كونتەنتتەرى ارقىلى قانشاما ادام تىڭ مالىمەت الىپ, كوكىرەك كوزىن اشىپ كەلەدى.

سىن ايتۋعا بولادى. بىراق قارعاۋ, جەك كورۋ, قورلاۋ – بۇل ءبىزدىڭ مادەنيەتىمىزگە جات. ەركىن پىكىر بىلدىرگەن ادامنىڭ ءۇنىن ءوشىرۋ – ءوزىمىزدىڭ ءورىسىمىزدى تارىلتۋ. كەلىسىپ جاتساق – قۇپ! كەلىسپەسەك – پىكىرمەن جاۋاپ بەرەيىك! بىراق ادامدى تاپتاۋ, جەكە باسىن قورلاۋ – جول ەمەس.

ءاليانىڭ ەڭبەگى مەن نيەتىن جوققا شىعارماۋىمىز كەرەك. ول – ءوز حالقى ءۇشىن تەر توگىپ جۇرگەن ازامات», — دەپ جازدى ءانشى.