جاڭالىقتار
«اعاسى مەن اكەسى قىزدى قۇتقارماق بولعان, سوڭىندا انالارى تۇسكەن»: اقمولا وبلىسىندا ءبۇتىن ءبىر وتباسى سۋعا باتىپ قازا تاپتى
فوتو: freepik
اقمولا وبلىسىندا ارناساي سۋ قويماسىندا دەمالۋعا كەلگەن ءبۇتىن ءبىر وتباسى سۋعا باتىپ قازا تاپتى. بۇل تۋرالى Stan.kz اقپارات اگەنتتىگى 716.kz پورتالىنا سىلتەمە جاساپ حابارلايدى.
وقيعا 5 تامىز كۇنى تۇستەن كەيىن ارشالى اۋدانىنداعى ارناساي سۋ قويماسىندا بولعان. استانادان كەلگەن وتباسى سۋ ايدىنىنا دەمالۋعا كەلگەن. الايدا بۇل ورىن شومىلۋعا ارنالماعان.
دەمالىس كەزىندە قىزى سۋعا باتا باستاعانىن كورىپ, اعاسى مەن اكەسى ونى قۇتقارۋعا تىرىسقان. الايدا ءبىر ساتتە سۋدا بولعاندار دۇرلىگە باستاعان. سول كەزدە وتباسىن قۇتقارۋ ءۇشىن بالالاردىڭ اناسى دا سۋعا تۇسكەن. الايدا اۋا-رايىنىڭ قولايسىزدىعىنا بايلانىستى جەل مەن تولقىننىڭ اسەرىنەن بۇكىل وتباسى سۋعا باتىپ كەتتى.
