«اگرەسسوردى اقتاپ, زومبىلىقتى ناسيحاتتادى»: سەرىك شارىپتەن سۇحبات العان بلوگەر الىشەر ەلىكباەۆ جۇرتتىڭ ىزاسىن تۋدىردى

فوتو:ۆيدەو

قازاقستاندىق بلوگەر الىشەر ەلىكباەۆ اكتەر سەرىك شارىپتەن العان سۇحباتىنان كەيىن الەۋمەتتىك جەلىدە سىننىڭ استىندا قالدى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

الىشەر ەلىكباەۆ الماتىدان استاناعا كولىكپەن ساپار شەككەن كەزدە اكتەر سەرىك شارىپتەن سۇحبات العان. ايتا كەتەيىك, بۇعان دەيىن ءشارىپ (كوپشىلىككە “شاكەنتي” لاقاپ اتىمەن بەلگىلى) الەۋمەتتىك جەلىدە بۇرىنعى سۇيىكتىسىنە اگرەسسيالىق ارەكەت كورسەتكەنى ءۇشىن داۋعا قالعان ەدى.

Cۇحباتتا شاكەنتي سول كۇنى نە بولعانىن, بارلىق كونتراكتىلەرىنەن ايىرىلعان سوڭ قانداي كۇيدە بولعانىن ايتادى.

ء«وزىمدى ۇستاي الماي, شاپالاقپەن ۇردىم. ول وتىردى دا, جىلاي باستادى. ەكەۋمىز دە ابدەن شارشاعان ەدىك. مۇمكىن, كۇشىمدى ۇستاي الماعان شىعارمىن. توردا وتىرعاندا, سىرتقا شىعا المايسىڭ… دارەتحانا جانىندا, ءتۇتىننىڭ ىشىندە. بەس كۇن بويى سوندا وتىرساڭ — كوپ نارسەنى تۇسىنە باستايسىڭ”, – دەيدى ول.

ءتىپتى ءوز-وزىنە قول جۇمساعىسى كەلگەنىن مالىمدەدى.

«مەنىمەن بارلىق كەلىسىمشارتتار بۇزىلدى. مەن سونداي ءبىر… ءسىز ايتقانداي, “ۋلى” كەيىپكەرگە اينالدىم, ەشكىم بايلانىسقىسى كەلمەيتىن ادام بولدىم. شىنىمدى ايتسام, قاتتى كۇيزەلدىم. جۇرەگىم جارالاندى. قالاي ءومىر سۇرەمىن دەپ ويلادىم. مەن كينەماتوگرافياعا 13 جىلىمدى ارنادىم عوي,» – دەيدى اكتەر.

بۇل سۇحبات جەلى قولدانۋشىلارى اراسىندا ءارتۇرلى رەاكتسيا تۋعىزدى. Threads جەلىسىندە ەلىكباەۆقا قاتىستى سىن پىكىرلەر قارشا جاۋدى. وعان جازىلۋدان باس تارتىپ جاتقاندار سانى كوپ.

“الىشەر سىزدەن كۇتپەپ ەدىم”. “ەلىكباەۆتان دا زومبىلىقتى ناسيحاتتاعانى ءۇشىن باس تارتايىق”, “نەگە وسىنداي ادامنان سۇحبات الادى? ونى اقتاپ وتىر ما?”, “سىزدەن كوڭىلىم قالدى”, “زورلىق-زومبىلىقتى اقتاپ وتىر, نە سۇمدىق”, – دەپ جازدى جەلى قولدانۋشىلارى.

بەلگىلى بلوگەر ناعيما احمەتوۆا (ناعيمۋشا) ەلىكباەۆتى “اگرەسسوردىڭ ارەكەتىن زاڭداستىرىپ وتىر” دەپ ايىپتادى.

“قوعامدا سىيلى ادام سانالاتىن الىشەر سەكىلدى تۇلعا زورلىق فاكتىسىنەن كەيىن ءبىر اي وتپەي اگرەسسوردى سۇحباتقا شاقىرىپ, ونى “قۇربان” رەتىندە كورسەتەتىن اڭگىمە ايتىپ وتىرسا, ول ونىڭ ارەكەتىن زاڭداستىرادى. اگرەسسوردىڭ ءيميدجىن جۋىپ, ونى “بەيشارا جىگىت” رەتىندە قايتادان قوعام الدىنا شىعارۋعا كومەكتەسەدى. بۇل ارقىلى ول ءوزىنىڭ كوپ جىلدىق ەڭبەگىمەن قالىپتاسقان بەدەلىنە دە كولەڭكە تۇسىرەدى. الىشەر قايىرىمدىلىقپەن, الەۋمەتتىك جوبالارمەن اينالىسىپ, حالىقتىڭ سەنىمىنە يە بولعان ەدى”, – دەپ جازدى ول.

“سۇحباتتى كورىپ شىقتىم. جاريالانعانى دۇرىس بولدى. ءالى دە وعان “كەنسەل” كەرەك پە دەپ كۇماندانعاندار ەندى دۇرىس شەشىم قابىلداعانىنا سەنىمدى بولا الادى. وقيعاعا دەيىن ونىڭ كىم ەكەنىن بىلمەپپىن, كينوداعى ويىنىن دا كورمەدىم. بىراق سۇحباتتان كەيىن اكتەرلىك قابىلەتى جوق ەكەنىن ءتۇسىندىم. بيشىمباەۆ ودان جاقسىراق وينادى. ارينە, ول جەردە دە سەنبەگەن ەدى”, – دەپ جازدى زاڭگەر اننا چەرنوۆا.

ەسكە سالا كەتسەك, بۇعان دەيىن ءاليا بۋتەەۆا ەسىمدى بويجەتكەن اكتەر ءشارىپ سەرىكتىڭ ۇرعانىن ايتىپ بەرگەن ەدى. بۇل وقيعا قوعامدا ۇلكەن رەزونانس تۋدىرىپ, اكتەرگە قاتىستى cancel culture مادەنيەتى باستالدى. Salem Entertainment مەدياكومپانياسى ونىمەن بارلىق ىنتىماقتاستىقتى توقتاتىپ, اكتەردى قارا تىزىمگە ەنگىزدى.

ال سوت اكتەردى كىنالى دەپ تاۋىپ, 5 تاۋلىككە قاماۋعا الۋ تۋرالى شەشىم شىعاردى.