«Air Astana ashý-yzamyzǵa tıdi»: Qaraqat Ábildına shyǵynǵa batqanyn aıtty

Tanymal ánshi Qaraqat Ábildına Almatyda ótetin is-sharaǵa qatysa almaǵanyna áýe kompanııasyn kinálady, dep habarlaıdy Qandastar.kz

Stan.kz málimetinshe, estrada juldyzy úsh aı buryn mádenı is-sharaǵa shaqyrylyp, bılet alynyp qoıǵan.

“О́zim daý-damaı qýatyn, búlik izdeıtin adamdardyń qatarynan emespin. Qanshama jyl ushyp júrmiz. 2-3 saǵatqa keshigý degenderge túsinistikpen qaraımyz. Biraq keshe qatty ashýlandyq. Osy ýaqytqa deıin kóz jumyp kelgen edik. Bárimizdiń ashý-yzamyzǵa tıdi. Kúni boıy otyrǵanda meni tańǵaldyrǵany, basshylyqtan bir adam shyǵyp, jaǵdaıdy túsindirgen joq. О́tirik bolsa da, “keshirińizder” dep ystyq shaıyn usynǵan joq. Biz qatysatyn is-sharanyń mańyzdy ekenin, halyqtyń kútip otyrǵanyn jetkizýge tyrystyq. Tipti, jetýdiń basqa da joldaryn qarastyrǵan joq. Tek ýaqytty keıinge shegere berdi. Elimizdiń betkeustar áýekompanııasy bolǵasyn, jolaýshylar tarapynan senim bolady. Biraq olardyń tutynýshylarǵa beıjaı qaraıtyny qatty qynjyltty. Keshe qatty qapa boldym. Olar úshin reısterdiń keshikkeni qalypty jaǵdaıǵa aınalyp ketken. Eshkim basyn aýyrtyp júrgen joq. Aldyn-ala eskertý degen joq, 4 saǵat buryn otyrǵyzyp qoıdy. Áýejaıda 10 saǵat boıy ushatyn ýaqytty kútip otyrdyq. 20:40-ta ushatyn ushaqty 22.10-ǵa almastyrdy. Is-sharanyń sońyna bolsa da úlgeremiz degen úmitimiz sóndi de qaldy”, – dep ashýlandy ánshi.

О́ner ıesiniń aıtýynsha, Almatydaǵy is-shara úsh aı buryn josparlanyp qoıǵan kórinedi. Uıymdastyrýshylar aldyn-ala gonorarlaryn da jibergen.

“Osy joly úlken is-sharadan qaldyq. Aqysy tólenip, úsh aı buryn bılet alǵan edik. Endi uıymdastyrýshylar bizden gonorardy qaıtarýymyzdy talap etip otyr. Bul jerde bizdiń qandaı kinámiz bar?! Shaqyryp jatqan jaqtyń qandaı kinási bar?! Suraq kóp, jaýap joq. Ár adam óz ómirin josparlaıdy. Bir kompanııanyń kesirinen, qanshama adam shyǵynǵa batty. Bizdiń qonaqúıimiz de tólenip qoıǵan edi. Sonda bul jaǵdaıda Air Astana jaýapqa tartylmaı ma?! Maǵan bergen jaýaptaryn jeke paraqshamda bólisip qoıdym. Jattandy sózdermen jazyp jiberipti. Biraq ketken shyǵyndy kim óteıdi?! Nege adamdar osyndaı qolaısyzdyqqa tap bolady?! Jaýaptaryna qanaǵattanyp otyrǵan joqpyn”, – dedi estrada juldyzy.