Air Astana اۋە كومپانياسى 12 جاستاعى قىزعا 5 ملن تەڭگە وتەماقى تولەيدى

فوتو: atamekenbusiness_qaz

سوت Air Astana اۋە كومپانياسىن 12 جاستاعى قىزدى ۇشاققا وتىرعىزباعانى ءۇشىن ونىڭ اناسىنا 5 ملن تەڭگە كولەمىندە مورالدىق وتەماقى تولەۋگە مىندەتتەدى, دەپ حابارلايدى qandastar.kz atamekenbusiness_qaz سىلتەمە جاساپ.

بۇل تۋرالى ادۆوكات دانيلحان شاعاتەۆ الەۋمەتتىك جەلىدەگى پاراقشاسىندا جازدى.

20 شىلدەدە زەرە جانە زاۋرە اتتى ەگىز قىز امەريكادان ەلگە قايتقان. ولار سەنىمدى وكىلمەن, ءبىر توپ بالامەن ساياحاتتاعان. قايتاردا استانا ارقىلى ترانزيتپەن ورالعا ۇشۋى كەرەك بولعان, بىراق زەرەنى كومپانيا بورتقا كىرگىزبەي, جالعىز ءوزىن تاستاپ كەتكەن. ال سەنىمدى وكىل باسقا بالالارمەن ۇشىپ كەتكەن.

اۋەجايداعى كامەرالاردىڭ جازبالارىنان 12 جاستاعى قىزدىڭ 3 ساعات جىلاپ تۇرعانىن كورۋگە بولادى. وسى وقيعادان كەيىن FlyArystan باسشىسى بالانىڭ اناسىمەن كەزدەسىپ, كەشىرىم سۇراپ, وتەماقى رەتىندە 4 ملن تەڭگە ۇسىنعان. بىراق ايەل ودان باس تارتىپ, سوتقا جۇگىنگەن.

FlyArystan اۋە كومپانياسى سىيىمدىلىعى 188 ورىندىق ۇشاقتى 180 ورىندىق بورتقا اۋىستىرعانى انىقتالدى.
ناتيجەسىندە زەرە 181-جولاۋشى رەتىندە تىركەلىپ, ۇشاققا وتىرا الماعان.