Air Astana: قازاقستاندىق بورتقا دومبىرامەن كىرسە, ول ءۇشىن تولەۋگە مىندەتتى

كورنەكى فوتو: NUR.KZ/پەتر كارانداشوۆ

Air Astana كومپانياسىنىڭ ۆيتسە-پرەزيدەنتى الەكساندر نەبوگا ۇشاققا دومبىرامەن كىرگەن جولاۋشى قوسىمشا اقشا تولەۋگە مىندەتتەلەتىنىن ايتتى, دەپ حابارلايدى qandastar.kz اقپارات اگەنتتىگى.

كەشە ەلوردادا اۋە كولىگى تاقىرىبىنا ارنالعان ءباسپاسوز ءماسليحاتىندا تىلشىلەر اۋە كومپانيالارىنىڭ باسشىلارىنان «جولاۋشىلار وزىمەن بىرگە الىپ جۇرگەن دومبىراعا قوسىمشا اقى تولەۋ كەرەك پە?» دەگەن سۇراق قويدى.

الەكساندر نەبوگا جولاۋشى مۋزىكالىق اسپاپ ءۇشىن تولەۋگە مىندەتتى دەگەن نورما بارىن اتاپ ءوتتى

قول جۇگى سالىناتىن جاشىكتەردىڭ كولەمىندە دە, ونداعى جۇك سالماعىندا دا بەلگىلى ءبىر شەكتەۋلەر بار. ءتيىستى مۋزىكالىق اسپاپتاردى تاسىمالداۋعا رۇقسات ەتىلەدى, ول ءۇشىن قوسىمشا ورىن الۋ قاجەت. بۇل جاعداي – نەگىزىنەن بارلىق اۆياكومپانيادا قابىلداعان ستاندارتتى الەمدىك تاجىريبە, – دەدى نەبوگا.

ول قول جۇگىنىڭ كولەمى ۇشاقتاعى جاشىكتەرگە سىيماي تۇرسا, كەز كەلگەن زاتقا قوسىمشا ورىن الۋ كەرەكتىگىن جەتكىزدى.