Air Astana: Qazaqstandyq bortqa dombyramen kirse, ol úshin tóleýge mindetti

Kórneki foto: NUR.KZ/Petr Karandashov

Air Astana kompanııasynyń vıe-prezıdenti Aleksandr Neboga ushaqqa dombyramen kirgen jolaýshy qosymsha aqsha tóleýge mindetteletinin aıtty, dep habarlaıdy qandastar.kz aqparat agenttigi.

Keshe elordada áýe kóligi taqyrybyna arnalǵan baspasóz máslıhatynda tilshiler áýe kompanııalarynyń basshylarynan «jolaýshylar ózimen birge alyp júrgen dombyraǵa qosymsha aqy tóleý kerek pe?» degen suraq qoıdy.

Aleksandr Neboga jolaýshy mýzykalyq aspap úshin tóleýge mindetti degen norma baryn atap ótti

Qol júgi salynatyn jáshikterdiń kóleminde de, ondaǵy júk salmaǵynda da belgili bir shekteýler bar. Tıisti mýzykalyq aspaptardy tasymaldaýǵa ruqsat etiledi, ol úshin qosymsha oryn alý qajet. Bul jaǵdaı – negizinen barlyq avıakompanııada qabyldaǵan standartty álemdik tájirıbe, – dedi Neboga.

Ol qol júginiń kólemi ushaqtaǵy jáshikterge syımaı tursa, kez kelgen zatqa qosymsha oryn alý kerektigin jetkizdi.