Air Astana ushaǵy Bakýde qonýǵa májbúr boldy

Foto:istockphoto

Tbılısı-Almaty baǵyty boıynsha reıs oryndaǵan Air Astana áýe kompanııasynyń Airbus A321 ushaǵy Geıdar Alıev atyndaǵy halyqaralyq áýejaıǵa shuǵyl túrde qondy, – dep habarlaıdy qandastar.kz ztb.kz-ke silteme jasap. 

Airbus A321 ushaǵynyń kapıtany jolaýshylardyń biriniń densaýlyǵy kúrt nasharlaǵannan keıin Baký áýejaıyna qonýǵa ruqsat suraǵan. Áýejaı jedel túrde daǵdarys ortalyǵyn jáne barlyq qajetti qyzmetterdi jumyldyrdy.

– Ushaq jergilikti ýaqyt boıynsha saǵat 00:25-te sátti qondy. Shuǵyl medıınalyq kómek qajet bolǵan jolaýshyǵa qoný sátinde birden alǵashqy medıınalyq járdem kórsetildi. Ol jedel járdem qyzmetine tapsyrylyp, ári qaraı tekserý úshin qalalyq aýrýhanaǵa jetkizildi, – delingen aqparatta.

Reıs keıinge shegerilip, jolaýshylar ýaqytsha qonaqúıge ornalastyryldy. Áýejaı qalypty rejımde jumysyn jalǵastyrýda.