جاڭالىقتار
Air Astana ۇشاعى شۇعىل اقتاۋ اۋەجايىنا قوندى
فوتو: avianews.com
Air Astana اۋە كومپانياسىنىڭ ۇشاعى اقاۋعا بايلانىستى اقتاۋ اۋەجايىنا شۇعىل تۇردە قونۋعا ءماجبۇر بولدى, دەپ جازدى qandastar.kz
كومپانيا ءباسپاسوز قىزمەتى بۇل جاعدايعا بايلانىستى تۇسىنىك بەردى. ونداعى مالىمەتكە سۇيەنسەك, 8 قاڭتاردا الماتى – انتاليا باعىتى بويىنشا كس915 رەيسىن ورىندايتىن Airbus A321 ۇشاعى اۋەجايدان جەرگىلىكتى ۋاقىت بويىنشا 08:35-تە ۇشىپ كەتكەن. الايدا تەحنيكالىق سەبەپپەن ۇشاق اقتاۋ اۋەجايىنا شتاتتىق رەجيمدە قونعان.
بۇعان ورتالىق باكتىڭ وتىن جۇيەسىنىڭ ساقتاندىرعىش كلاپانىنىڭ اقاۋلىعى سەبەپ بولعان. رەيس الماتىدان قوسالقى بولىكتى جەتكىزۋ قاجەتتىلىگىنە بايلانىستى 9 قاڭتاردا ساعات 09: 20-عا اۋىستىرىلدى. جولاۋشىلارعا تاماق بەرىلىپ, قوناق ۇيگە ورنالاستىرىلدى. وسىنداي شارالار انتالياداعى جولاۋشىلارعا قاتىستى دا قولدانىلۋدا,-دەلىنگەن مالىمەتتە.
