Air Astana ushaǵy shuǵyl Aqtaý áýejaıyna qondy

Foto: avianews.com

Air Astana áýe kompanııasynyń ushaǵy aqaýǵa baılanysty Aqtaý áýejaıyna shuǵyl túrde qonýǵa májbúr boldy, dep jazdy qandastar.kz

Kompanııa baspasóz qyzmeti bul jaǵdaıǵa baılanysty túsinik berdi. Ondaǵy málimetke súıensek, 8 qańtarda Almaty – Antalıa baǵyty boıynsha KS915 reısin oryndaıtyn Airbus A321 ushaǵy áýejaıdan jergilikti ýaqyt boıynsha 08:35-te ushyp ketken. Alaıda tehnıkalyq sebeppen ushaq Aqtaý áýejaıyna shtattyq rejımde qonǵan.

Buǵan ortalyq baktyń otyn júıesiniń saqtandyrǵysh klapanynyń aqaýlyǵy sebep bolǵan. Reıs Almatydan qosalqy bólikti jetkizý qajettiligine baılanysty 9 qańtarda saǵat 09: 20-ǵa aýystyryldy. Jolaýshylarǵa tamaq berilip, qonaq úıge ornalastyryldy. Osyndaı sharalar Antalıadaǵy jolaýshylarǵa qatysty da qoldanylýda,-delingen málimette.