Aitu مەن Kcell قازاقستانداعى تسيفرلىق ونىمدەردى دامىتۋ ءۇشىن كۇش بىرىكتىرەدى

فوتو: اشىق دەرەككوز

SuperApp Aitu مەن «كسەلل» اق ستراتەگيالىق سەرىكتەستىگىن جاريالادى. كومپانيالار قازاقستاندىقتاردىڭ ىڭعايلى جانە كەشەندى قىزمەتتەرگە ءوسىپ كەلە جاتقان سۇرانىسىن قاناعاتتاندىراتىن تسيفرلىق ونىمدەردى بىرلەسىپ ازىرلەۋگە نيەتتى, دەپ حابارلايدى qandastar.kz Dalanews.kz-كە سىلتەمە جاساپ.

بۇگىندە تەلەكوم وپەراتورلارى تەك بايلانىس جەتكىزۋمەن عانا شەكتەلمەي, ال تسيفرلىق پلاتفورمالار بولسا تانىس قىزمەتتەردىڭ شەكاراسىن كەڭەيتءىپ جاتىر. بۇكىل الەمدە ءدال وسى سالالاردىڭءبىرىگۋ ناتيجەسى جاڭا ستاندارتتاردىقالىپتاستىرادى.SuperApp كوممۋنيكاتسيالىق ينفراقۇرىلىمعا, ال تەلەكوممۋنيكاتسيالار تسيفرلىق تۇتىنۋ ەكوجۇيەلەرىنە قول جەتكىزەدى. قازاقستاندا Kcell مەن Aitu اراسىنداعى سەرىكتەستىك وسى باعىتتاعى العاشقى قادامداردىڭ بىرىنە اينالۋدا.

«مۇنداي ۇلتتىق جوبالار ەلىمىزدىڭ تسيفرلىق تاۋەلسىزدىگىمەن تىكەلەي بايلانىستى. ولار تەحنولوگيالاردىڭ دامۋىنا ۇلكەن ۇلەس قوسادى. سوندىقتان, ءبىز ءاربىر قازاقستاندىقتىڭ قولداۋىنا قۋانىشتى بولار ەدىك. قازاقستاندا پايدا بولىپ, ارى قاراي دامىپ بارا جاتقان وپەراتور «Kcell» اق-مەن سەرىكتەستىك وتاندىق تەلەكوممۋنيكاتسيا ونىمدەرىن جانە تەلەكوممۋنيكاتسيا نارىعىن دامىتۋعا تاعى ءبىر قادام», — دەپ «BTS Digital» جشس باس ديرەكتورى نۇرتاي ابيلگاليەۆ ءبولىستى.

«قازاقستاندىق بايلانىس وپەراتورىنىڭ تاجىريبەسى مەن ۇلتتىق تسيفرلىق پلاتفورمانى بىرىكتىرە وتىرىپ, كومپانيالار وزدەرىنىڭ قولدانىستاعى ەكوجۇيەلەرىنىڭ قيسىندى جالعاسى بولاتىن جاڭا جەرگىلىكتى ءونىمدى قۇرۋ مۇمكىندىكتەرىن اشادى. ۇيالى بايلانىس وپەراتورىنىڭ ابونەنتتەرى ءۇشىن بۇل بايلانىس پەن تسيفرلىق قىزمەتتەردى ودان دا ىڭعايلى پايدالانۋدى, ال Aitu پايدالانۋشىلارى ءۇشىن ۇيالى بايلانىس مۇمكىندىكتەرىمەن بىرىكتىرىلگەن قولجەتىمدى شەشىمدەر اۋقىمىن كەڭەيتۋدى بىلدىرەدى«, — دەپ «كسەلل» اق باس اتقارۋشى ديرەكتورىجانە باسقارما توراعاسى اسقار جامباكين ءتۇسىندىردى.

Aitu  – قازاقستاندىق IT نارىعىنىڭ ايتۋلى جەتىستىگىنە اينالعان وتاندىق ءونىم جانە ۇلتتىق تەحنولوگيالاردىڭ تسيفرلىق ورتادا تابىستى باسەكەلەستىككە جانە ترەندتەردى بەلگىلەي الاتىنىنا مىسال. Aitu-دىڭ ءداستۇرلى مەسسەندجەرلەردەن باستى ايىرماشىلىعى – بۇل جاي عانا بايلانىسقا ارنالعان قوسىمشا ەمەس, قازاقستاندىقتار ءۇشىن قازاقستاندا جاسالعان تولىققاندى ۇلتتىق SuperApp قولدانباسى. كۇندەلىكتى ماڭىزدى فۋنكتسيالار ءبىر جەردە جيناقتالعان: ءسىز دوستارىڭىزعا جازا الاسىز, وتباسىڭىزعا قوڭىراۋ شالا الاسىز, اقشا اۋدارا الاسىز, كينو بيلەتىن ساتىپ الا الاسىز, مۋزىكا تىڭداي الاسىز, سوڭعى جاڭالىقتاردى وقي الاسىز, قىزىقتى ارنالارعا جازىلا الاسىز جانە سىزگە قاجەت اقپاراتتى تابۋعا, حابارلامانى اۋدارۋعا, سونىمەن قاتار ىستەر ءتىزىمىن جاساۋعا كومەكتەسەتىن اقىلدى AI كومەكشىسىنە حابارلاسۋعا بولاتىن ءبىر قولدانبا. Aituمەسسەندجەردىڭ, مەدياپلاتفورمانىڭ, قارجىلىق قىزمەتتەردىڭ جانە شاعىن قوسىمشالاردىڭ فۋنكتسيالارىن بىرىكتىرەدى, بۇل ونى قارىم-قاتىناسقا, جۇمىس ىستەۋگە, وقۋعا جانە دەمالۋعا ىڭعايلى قۇرال ەتەدى. بۇل رەتتە دەرەكتەردى قورعاۋعا ەرەكشە نازار اۋدارىلادى: ولار قازاقستاننىڭ اۋماعىندا وڭدەلەدى جانە ساقتالادى, بۇل دەرەكتەردى قورعاۋ جانە ساقتاۋ تۋرالى زاڭناماعا سايكەس كەلەدى جانە پايدالانۋ سەنىمدىلىگىنە كەپىلدىك بەرەدى.

كومپانيالار اراسىنداعى سەرىكتەستىك قازاقستاننىڭ تسيفرلىق ەكونوميكاسىن دامىتۋداعى ماڭىزدى قادام بولماق. مۇندا زاماناۋي قىزمەتتەر تەك تەحنولوگيالىق تۇرعىدان جەتىلدىرىلگەن عانا ەمەس, سونىمەن قاتار ادامداردىڭ قاجەتتىلىكتەرىنە بارىنشا بەيىمدەلەدى.