ايبەك ورالباي اتاقتى ەكى دۇركىن وليمپيادا چەمپيونىن جەڭدى

بوكستان قازاقستان ەرلەر قۇراماسىنىڭ كاپيتانى ايبەك ورالباي ۇلىبريتانيانىڭ ليۆەرپۋل قالاسىندا ءوتىپ جاتقان الەم بىرىنشىلىگىنىڭ فينالىنا ءوتتى, دەپ حابارلايدى Qandastar.kz

قازاقستاندىق بوكسشى 90 كەلىدەن جوعارى سالماقتا ەكى دۇركىن وليمپيادا چەمپيونى حۋليو سەزار لا كرۋسپەن (كۋبا) ءوزارا مىقتىنى انىقتادى. ايبەك ورالباي العاشقى راۋندتان-اق تىزگىندى قولىنا الدى. ەكىنشى جانە ءۇشىنشى كەزەڭدە باسىمدىعىن ساقتاپ قالعان جەرلەسىمىز جەڭىسكە جەتتى. وسىلايشا, ايبەك ورالباي (90 كەلىدەن جوعارى) الەم چەمپيوناتىنىڭ التىن جۇلدەسى ءۇشىن باق سىنايدى.

ەسكە سالا كەتەيىك, بۇعان دەيىن ايەلدەر اراسىندا ايدا ابىكەەۆا الەم بىرىنشىلىگىنىڭ فينالىنا جولداما العان بولاتىن. وتانداسىمىز 65 كەلىگە دەيىنگى سالماقتىڭ جارتىلاي فينالىندا مەرري ۋولشپەن (يرلانديا) كەزدەستى. العاشقى راۋند يرلانديالىق بوكسشىنىڭ پايداسىنا اياقتالدى. دەگەنمەن جەرلەسىمىز ەكىنشى جانە ءۇشىنشى ءۇش مينۋتتىقتا تىزگىندى قولىنا الىپ, جەڭىسكە جەتتى.

ال سانجار تاشكەنباي  50 كەلىگە دەيىنگى سالماقتىڭ 1/4 فينالىندا سينگح ماندەگباممەن ء(ۇندىستان) ءوزارا مىقتىنى انىقتادى. جەرلەسىمىز جەكپە-جەكتىڭ سوڭىنا دەيىن باسىمدىعىن ساقتاپ, ەش قيىندىقسىز جەڭىسكە جەتتى. وسىلايشا, سانجار تاشكەنباي كەلەسى كەزەڭدە الەم چەمپيوناتىنىڭ فينالىنا شىعۋ ءۇشىن باق سىنايدى.