جاڭالىقتار
ايدىن راقىمباەۆ: اتا-بابامىز «ارمىسىز» دەپ امانداسقان!
فوتو: اشىق دەرەككوز
بەلگىلى كاسىپكەر ايدىن راقىمباەۆ اسىرەدىنشىلەردى دۇرلىكتىرىپ قويدى دەپ جازادى qandastar.kz Ertenmedia.kz-كە سىلتەمە جاساپ.
ونىڭ ايتۋىنشا, قازاقتار «ارمىسىز» دەپ امانداسقان. بۇل ءسوزدىڭ ماعىناسى تەرەڭدە جاتىر.
«ارمىسىزدار, دوستارىم! تاريحشىلارمەن اڭگىمەلەسكەندە ءبارى دە ءبىزدىڭ بابالارىمىز جۇزدەگەن جىل بۇرىن «ارمىسىز?» , «امان-ەسەنسىز بە?» دەپ امانداسقانىن ايتادى. بابالارىمىز قانداي دانا سوزدەر مەن تەرەڭ ماعىنانى قولدانعان», — دەپ تامسانىپ وتىر كاسىپكەر.
ايتۋىنشا, «سالەم» مەن «سالەمەتسىز بە» دەگەن قازاققا ەجەلگى جەبىرەيلەردىڭ «شالوم الەيحيم» جانە ارابتىڭ «اسسالاۋماعالەيكۋم» دەگەنىنەن كەلگەن. ء«بىز بۇلاي امانداسۋعا ۇيرەنىپ قالدىق جانە ول دا دۇرىس. بىراق, وعان قوسا ەجەلگى تۇرىكشە امانداسۋ دا ادەمى ەستىلەدى عوي. وسى ورايدا, مەندە ۇسىنىس بار: وتباسىندا, جۇمىستا, كوشەدە ءبىر-بىرىمىزبەن تازا قازاقشا «ارمىسىز?» دەپ امانداسايىق«, — دەيدى ايدىن راقىمباەۆ. مۇنى ەستىگەن كەيبىر اسىرەدىنشىلدەر BI Group-ءتىڭ باسشىسىن تاڭىرشىلدەردىڭ قاتارىنا قوسىپ ۇلگەرىپتى.
