Jańalyqtar
Áıel ataýlynyń «tili uzaryp qaldy»
![](https://qandastar.kz/wp-content/uploads/2024/06/IMG_6835-780x405.webp)
Atyshýly Bıshimbaev isinen keıin áıelder qaýymynyń belsendiligi artty. Sebebi zań qataıyp, zábir kórgen áıelder men balalardyń quqyǵyn burynǵydan beter kúshtirek qorǵaıtyn boldy,-dep habarlaıdy Qandastar.kz
Áıeline kún kórsetpeıtin dıplomattar, ákimder áshkere bola bastady. Sońǵy kúnderi áıeline zábir kórsetýdiń oqıǵalary taǵy da jarııaǵa shyǵyp júr.
Qostanaı oblysynda eri áıelin ólimshi etip uryp, taldyryp tastaǵan eken. Esinen tanǵan áıel qar ústinde es-tússiz jatyp qalypty. Adamdar taýyp alyp, polıııaǵa habarlamaǵanda ólip keter me edi… Áıteýir polıııa aýrýhanaǵa jetkizipti.
Qylmystyq is qozǵalyp, sotta qaraldy. Bir aıtarlyǵy, sotta álgi áıel erin qatań jazalamaýdy suraǵan. Taratylǵan aqparatta álgi er adam men bul áıel zańdy nekege turmaǵany, jaı, erli-zaıyptylarsha birge ómir súrgeni keltirilgen. О́tken aqpan aıynda er adam ýdaı mas halde áıelmen janjaldasqan. Sóıtip ol álimjettik jasap, áıeldi judyryq pen tepkiniń astyna alǵan. Birneshe jerine dene jaraqatyn salǵan. Áıeldi es-tússiz sýyq dalada qaldyryp ketken. Áıel adam keń, keshirimshil bolady degen ras bolar. Sotta áıel eriniń qylmysyn oılamaı, onyń amandyǵyn oılapty. Qatań jaza qoldanbaýyn surapty, eshqandaı talabym joq depti. Eri kinásin sotta moıyndady. Istegen qylmysy úshin jaza taǵaıyndalyp, 4 jyl 6 aıǵa qamaldy.
Al Aqtaýda bir áıel erinen kórgen qorlyqqa shydamaı quzyrly organdardan kómek surap, ózi qashyp-pysyp bas saýǵalap júrgenin aıtqan. Kúıeýinen qashyp júrgenin aıtyp prokýratýradan arasha suraǵan. Kúıeýiniń soqqysynan ázer qashyp qutylǵan kelinshektiń beıne úndeýin «NeMolchı» qorynyń prezıdenti Dına Tańsári óziniń Instagram paraqshasynda jarııalady.
Zábir kórip júrmin degen áıeldiń aıtýynsha, bul iste quqyq qorǵaý organdary áreketsizdik tanytqan. Ol óz sózinde kúıeýiniń ústinen sotta eshqandaı is qozǵalmaǵanyna narazylyq bildirgen. Kerisinshe, alǵashynda áıeldiń óziniń basyna qara bult úıirilgen sııaqty. «Meniń ústimnen qylmystyq is qozǵaldy, onda kúıeýim maǵan aqsha jymqyrdy degen negizsiz aıyp taǵyp otyr. Maǵan Astanada kýálik etýge ruqsat berilgenine qaramaı, sol ýaqytta polıııa bóliminiń aǵa tergeýshisinen meni Aqtaýǵa ákelý týraly qaýly alamyn», – degen álgi áıel. Aqtaýlyq áıel óz sózinde kúıeýi ony tamyr-tanys arqyly bala-shaǵasyna, aqshaǵa qatysty birneshe ret qorqytyp-úrkitkenin aıtqan. Sózine qaraǵanda, polıııa tarapynan ony qorǵaý nusqamasy qolyna tımegen kórinedi. Oǵan qosa Aqtaýǵa májbúrlep aparý týraly qaýly alǵanyna kúıinedi. «Kámeletke tolmaǵan balalarym bar jáne olardy ózim asyrap, baǵyp-qaǵyp otyrǵandyqtan, men olardy jalǵyz qaldyra almaımyn. Maǵan turǵylyqty jerim boıynsha kýálik berýge ruqsat berilsin», – degen ol ol. О́ziniń sózinde bir aı boıy quqyq qorǵaý organdarynan ózin qorǵaýdy suraǵanyn, al olar raıynan qaıtarǵysy keletinin, sol úshin qaladan ketip qalǵanyn aıtqan. Áıel Mańǵystaý oblysynyń prokýratýrasyna isti jeke baqylaýǵa alyp, óziniń jáne balalarynyń qaýipsizdigin qamtamasyz etetin barlyq tıimdi sharalardy tez arada qabyldaýyn surap, aryzdanǵan.
Úsh balanyń anasy kúıeýiniń qoqan-loqqysy men qýdalaýynan keıin Aqtaý qalasynan qashyp ketýge májbúr bolǵanyn aıtyp shyryldaıdy. Aıtýyna qaraǵanda, kúıeýi ony ańdýyn toqtatpaǵan. Sońǵy kezdeskeninde kúıeýi ony kólikpen qýyp, joldy jaýyp, kólikten túsýdi talap etken, terezesin syndyrǵan eken. «Men tozaqta ómir súrdim. Men ony 23 jasymda tastap ketkim keldi, biraq meniń úsh kishkentaı balam boldy. Ol ata-analyq quqyǵymnan aıyramyn dep qorqytty, ańǵal jáne jas edim. Qoryqtym. Sóıtip qaıtyp keldim. Aqyry uryp-soǵyp, aýrýhanaǵa túsirdi. Palatada jatyp, odan eshqandaı jaǵdaıda polıııaǵa habarlaspaý jáne ony masqara etpeý kerektigi týraly habarlamalar aldym», – deıdi ol.
Birneshe ret uryp-soqqan soń shydamaǵan ol aqpan aıynda ajyrasýǵa aryz jazyp, balalarymen jaldamaly páterge kóshýdi uıǵarǵan eken. Biraq qýdalaý báribir toqtamaǵan. Osy jaǵdaıǵa baılanysty quzyrly organdarǵa, turmystyq zorlyq-zombylyqpen kúresý qorlaryna, tipti el Prezıdentine de hat joldaǵan.
Onyń shaǵymy nátıje bergen bolar, aldymen kúıeýine qatysty ákimshilik hattama túzilipti. Sońynan qorǵaý tártibin buzǵany úshin qamaýǵa alý túrindegi jaza taǵaıyndalypty. Materıal 10 táýlikke qamaýǵa alý týraly uıǵarymmen sot organyna jóneltildi.
Mine, basyndaǵy aýyrtpalyqty buryn aıta bermeıtin áıelder osy kúni jyr qylyp aıtyp beretin bolǵan. Árıne, óz quqyqtaryn qorǵaý maqsatynda. Zań qorǵap otyrǵannan keıin jeke basynyń jaǵdaıyn halyqqa aıtýdyń sókettigi joq ta bolar. Al úndemeı qorlyqqa tózip júrgen áıelder qanshama!