«Áıel bárine kóný kerek…»: Altynaı Jorabaevanyń jazbasy oqyrmandy oılandyryp qoıdy

Foto: instagram.com/ altynaizhorabayeva

Ánshi Altynaı Jorabaeva áleýmettik jelidegi paraqshasynda áıelge kóp jaýapkershilik artylatynyna narazylyq bildirdi, — dep habarlaıdy Aikyn.kz.   

О́ner ıesi turmystyq zorlyq-zombylyqqa tap bolǵan áıelder jaıly sóz qozǵady. Ol qyz ben uldy bólip-jarmaı, jastaıynan eńbekke baýlyp tárbıeleý kerek dep esepteıdi.

«Nege? «Qyz syny» Nege? «Jigit sultany? Áý bastan, qyz balasyn synǵa alyp, bárin áıel adamnan talap etý, búkil jaýapkershilikti áıel adamǵa artyp qoıýdy qanǵa sińirip, oıǵa túıip tastaǵan sııaqty ma, qalaı ózi? Qyz názik, qyzdyń joly jińishke, qyzǵa qyryq úıden tyıym deıdi de, qyzdyń qyryq jany bar dep qoıatynymyz qalaı? Bylaı qarasań, názik, álsiz degen sııaqty aıtyp kelip, biraq sol «álsiz jaratylysqa» ústemdik jasap, álsizge álimjettik kórsetip, biraq qaıtadan búkil úıdiń tirligin, búkil jaýapkershilikti, ıaǵnı kúıeýi iship ketse, qumar oıyn oınap ketse, iship kelip ursa, júris júrse, áıel únin shyǵarmaı, kónip, bala-shaǵany baǵyp, úıdiń sharýasyn jasap júrýdi talap etýdi qalaı túsinýge bolady? Naǵyz er-azamatty syılamaıtyn, tapqan tabysynyń berekesin qashyryp otyratyn áıelder de bar! Mynaý erkektiń, mynaý áıeldiń jumysy dep bólmeı, kishkentaıynan uldy da, qyzdy da úı sharýasyna, dala sharýasyna baýlyp tárbıelegende, áıel erine, eri áıeline kómektesip, túsinistikpen ómir súrip, berekeli otbasy bolady dep oılaımyn. Meniń oqyrmandarymnyń oıy qalaı eken?» — dep jazdy ánshi.