جاڭالىقتار
ايەل تۇراقتى جۇمىس تابا الماعان كۇيەۋىن كىنالاپ, 36 رەت پىشاق تىعىپ ءولتىرىپ تاستادى
ياروسلاۆل وبلىسىندا ايەل كۇيەۋىن 36 رەت پىشاقتاپ ءولتىردى, دەپ حابارلايدى Qandastar.kz سايتى.
Telegram-داعى SHOT ارناسىنىڭ جازۋىنشا, ەرلى-زايىپتىلار نەبارى ەكى جىل بۇرىن عانا ۇيلەنگەن.
وتباسىلىق قايعىلى جاعداي مىشكين اۋدانىندا بولعان. 35 جاستاعى ايەل سوڭعى ۋاقىتتا تۇراقتى جۇمىس تابا الماي جۇرگەن 30 جاستاعى كۇيەۋىمەن ءجيى ۇرىساتىن بولعان.
قاندى وقيعا بولعان كۇنى ولاردىڭ ۇيىنەن كۇنى بويى ايقاي ەستىلىپ تۇرعان. كورشىلەر پوليتسياعا حابارلاسىپ, ۇيدە ەر ادامنىڭ شۋ شىعارىپ جاتقانىن ايتقان.
كەلىسپەۋشىلىك كەزىندە ايەلى پىشاق الىپ, كۇيەۋىنىڭ دەنەسىنىڭ ءارتۇرلى جەرىنە 36 رەت سوققى جاساعان. جەدەل جاردەم كەلگەندە, ەر ادام قانسىراپ, كوز جۇمعانى بەلگىلى بولعان.
قازىرگى ۋاقىتتا كۇدىكتى قاماۋعا الىندى. وقيعانىڭ ءمان-جايى انىقتالىپ جاتىر.
