ايەلدەر قۇراماسى ازيادادا توپ جاردى

فوتو:مينيسترلىك

بۇگىن شايبالى حوككەيدەن ەلىمىزدىڭ ايەلدەر كومانداسى وڭتۇستىك كورەيادان باسىم ءتۇسىپ, حاربين قالاسىندا ءوتىپ جاتقان IX قىسقى ازيا ويىندارىنىڭ كۇمىس جۇلدەسىنە قول جەتكىزدى. شەشۋشى ماتچتىڭ ەسەبى: 3-0, دەپ جازدى qandastar.kz

ءبىرىنشى كەزەڭدە سان باسىمدىعىن ءتيىمدى پايدالانىپ شابۋىلشىمىز, كاپيتاننىڭ ءبىرى ماليكا الدابەرگەنوۆا ەسەپ اشتى. ال شەشۋشى اينالىمنىڭ باسىندا يۋليا بۋتورينا جويقىن سوققىمەن ەسەپتى ەسەلەدى. تاعى ءبىر شايبانىڭ اۆتورى — داريا مولداباي.

جالپى قازاقستان وسى باسەكەدە قىتايدىڭ گونكونگ (12-0), تايلاند (9-0), قىتايدىڭ تايپەيى (5-1), قىتاي (2-1), وڭتۇستىك كورەيا (1-0) كومانداسىن ۇتىپ, تەك جاپونياعا (0-4) جول بەردى.

بۇل — حوككەيدەن ايەلدەر قۇراماسىنىڭ ازيا ويىندارىنداعى 7-ءشى جۇلدەسى (3 التىن, 3 قولا) جانە سونىڭ ىشىندەگى العاشقى كۇمىس مەدالى.

تاعى ءبىر قىزىق جايت, قازاقستان قۇراماسى تاريحىنداعى ەڭ ءىرى جەڭىس وسى وڭتۇستىك كورەيامەن بايلانىستى. 2003 جىلعى اق ازيادادا ءبىزدىڭ حوككەيشىلەر بۇگىنگى قارسىلاستىڭ قاقپاسىنا جاۋاپسىز 19 شايبا سالعان.