Áıeldiń kózin kógertip jarnama túsirgenderdiń áreketi jelide daý týdyrdy

Áleýmettik jelide jıhaz zaýytynyń jarnamasy daý týdyrdy, dep habarlaıdy Skifnews.kz aqparat portaly.

Jarnamaǵa úńilsek, erli-zaıypty jıhaz tańdaý úshin dúkenge keledi. Áıeli otandyq ónimdi qoldasa, kúıeýi shetelden qaraıyq dep boı bermeıdi. Kelispeýshiliktiń sońy kúıeýiniń áıeline qol kóterýimen aıaqtalady.

Belgili koých-ekspert Roza Áshirbaeva bul jarnamaǵa shúıligip, bul jıhazdardy sapasyz taýarǵa teńedi.

“Taýarlarynyń nasharlyǵy sonsha, áıeldiń kózin kógertpese sata almaıtyn bolyp tur ǵoı. О́te tómen dárejedegi taýarǵa óte tómen dárejedegi jarnama laıyq. Bıznes basshysy ótirikshi bolsa, taýary da sapasyz degen sóz. Biz áıeldi syılaımyz dep qoıyp, áıeldiń kózin kógertip, kelemejdep jarnama túsirip mázsiz. Qaı kózben qarasań da, zorlyq ol – zorlyq. Kózińdi baqyraıtyp qoıyp, aqty qara dep, qarany aq deý – ótirikshiniń isi”, – dep ashýlandy koých.

Odan keıin qoǵam belsendisi Áıgerim Qusaıynqyzy da rolık túsirgenderdi zań aldynda jaýapqa tartý kerek ekenin aıtty.

Al mekeme basshysy jelide daý týǵyzǵan vıdeoǵa qatysty pikir bildirdi.

“Roza hanym, bul vıdeo ázil retinde túsirilip tur, biraq sonda da bizdiń ónimdi tómen dárejede degenińiz bolmady. Otandyq ónimdi damytaıyq, Qazaqstannyń ekonomıkasyn kótereıik dep jumys istep jatyrmyz. Mekenjaıyńyzdy aıtsańyz, syılyqqa bir oryndyq jibereıik. Otandyq ónimniń sapasyn kórip, qýanyp qalasyz”, – dep jazdy kásipker