«Áıeli qaıtys bolyp, jalǵyz qaldy»: Bıbigúl Tólegenova men Dinmuhamed Qonaevty ne baılanystyrady

Foto: ashyq derekkóz

Bıbigúl Tólegenova men Dinmuhamed Qonaevty ne baılanystyrady? Ekeýiniń qarym-qatynasy týraly aty ańyzǵa aınalǵan ánshiniń ózi aıtyp berdi, dep habarlaıdy Skifnews.kz aqparat portaly.

Halyq ártisiniń aıtýynsha, ol saıasatker Dinmuhamed Qonaevpen bılikten ketken kezinde jaqsy aralasqan. Bul týraly Tólegenova Dınara Sátjanǵa bergen suhbatynda aıtty.

«Qonaevpen ol bılikten ketip qalǵan kezde aralastym. Áıeli qaıtys bolǵanda jalǵyz qaldy. Ol úıinde jalǵyz turatyn. Basynan aýyr kezeń ótip jatqanyn kórip, júregimiz aýyrdy. Ol kisiniń kúzeti bolatyn. Oǵan segizge deıin ǵana kelýge bolatyn. Saǵat segiz bolǵanda kúzet kelip, kezdesý ýaqyty aıaqtalǵanyn aıtatyn. Bir ret ózi maǵan qońyraý shaldy. Ábden ishi pysqan bolý kerek. «Bıbigúl, qyzym sen boıdaqtardyń shaıyn ishkiń kelmeı me?» dep edi. Sol sátte konertten endi kelgenmin. «Ýaqytyń bolsa, úıge kel» dep shaqyrdy. Qyzmette bolǵanda kıimi bári útiktelgen sondaı bedeldi kisi edi. Al úıinde qarapaıym adam. Birge otyryp shaı iship, kóp áńgimelesetin edik», – dedi ánshi.