Áıeli sebep bolǵan: Depýtatty aıaýsyz soqqyǵa jyqqan saqaldy jigit týraly tyń aqparat shyqty

Taraz qalasynda advokat, Almaty oblysy máslıhatynyń depýtaty soqqyǵa jyǵyldy,dep habarlaıdy qandastar.kz saıty Todayinfo agenttigine silteme jasap.

Vıdeodan eki erkektiń balaly, oranǵan áıel otyrǵan dıvannyń janynda eregisip turǵanyn kórýge bolady.

Tóbelestiń shyǵýyna telefon qýattaǵyshy sebepker bolǵan.

Advokat saqaldy jigit pen onyń oranyp alǵan áıeli otyrǵan oryndyqqa jaqyn jerde telefonyn qýattap almaqshy bolǵan. Alaıda zańgerdiń áreketi erli-zaıyptyǵa unamaǵan.

«Búgin tapa tal túste, PD janynda  advokat, máslıhat depýtaty Nurlan Baıǵazınov aıaýsyz soqqyǵa jyǵyldy. Biz ony alaıaqtyq istermen kúresýdegi eńbegi arqyly bilemiz. Depýtattyń bet súıegi, jaǵy synǵan. Depýttar aıaýsyz soqqyǵa jyǵylsa, onda biz sııaqty qarapaıym adamdardyń quqyǵy qalaı qorǵalady?  Nege Jambyl oblysynda bandıtter erkinsıdi?  Bul suraq polıııa departamentine», — dedi vıdeoúndeý jasaǵan jigit.

Tóbeles oranǵan áıeldiń telefon qýattamaq bolǵan advokatqa balaǵat sóz aıtýynan shyqqan. Daýǵa aralasqan saqaldy agressor balalar men kafedegi qonaqtardyń kózinshe avdokatty aıaýsyz soqqynyń astyna alǵan.

Qazirgi ýaqytta bet súıegi synǵan depýtatqa aýrýhanada ota jasalyp jatyr.