ايەلىن ۇردى دەپ ايىپتالعان قازاقستاندىق ديپلومات 15 تاۋلىككە قامالدى

فوتو: inbusiness.kz

استانا قالاسىنىڭ اكىمشىلىك قۇقىق بۇزۋشىلىق ىستەرى جونىندەگى مامانداندىرىلعان اۋدانارالىق سوتى ايەلىن ۇردى دەپ ايىپتالعان قازاقستاننىڭ ءباا-دەگى ەلشىسىنىڭ بۇرىنعى كەڭەسشىسى ساكەن ماماش قاتىستى دەنساۋلىققا قاساقانا جەڭىل زيان كەلتىرۋ فاكتىسى بويىنشا ءىستى قارادى. بۇل تۋرالى Stan.kz اقپارات اگەنتتىگى حابارلايدى.

سوت قاۋلىسىمەن م., جاساعان قىلمىسى ءۇشىن كىنالى دەپ تانىلىپ, 15 تاۋلىككە اكىمشىلىك قاماققا الىندى.

ءىستىڭ ءمان-جايىنان بەلگىلى بولعانداي, ەلشىلىك قىزمەتكەرى جانجال كەزىندە ايەلىنە قاتىستى فيزيكالىق كۇش قولدانعان.

«سوت وتىرىسىندا م. مەن ونىڭ قورعاۋشىسى اكىمشىلىك قۇقىق بۇزۋشىلىق تۋرالى حاتتامامەن كەلىسپەي, ونىڭ كىناسى ءىس ماتەريالدارىمەن دالەلدەنبەگەنىن, قۇقىق بۇزۋشىلىق جاسالعان جەر قازاقستان رەسپۋبليكاسىنىڭ سوتتىلىعىنا جاتپايتىنىن كورسەتتى. سونىمەن قاتار, م.-نىڭ ارەكەتى ونىڭ ايەلىمەن اراسىنداعى تۇرمىستىق جاعدايعا قاتىستى قىلمىستىق ءىس بويىنشا جەكە تەرگەۋ جۇرگىزىلۋدە», –  دەلىنگەن سوت حابارلاماسىندا.

ديپلوماتتىڭ ايەلى كارينا ماماش 5 مامىردا ساكەن ماماش ۇيىنە قوناققا كەلگەن اپكەسى مەن ونى ۇرىپ-سوققانىن ايتقان ەدى. وسىدان كەيىن سىرتقى ىستەر مينيسترلىگى بىرىككەن اراب امىرلىكتەرى ديپلوماتىن تۇرمىستىق زورلىق-زومبىلىق جاسادى دەگەن ايىپپەن قازاقستانعا شاقىرىپ الدى.

9 مامىردا ايەل استاناعا ورالدى. قاۋىپسىزدىك ءۇشىن كارينا بالالارىمەن بىرگە داعدارىس ورتالىعىنا ورنالاستى.

شەنەۋنىكتىڭ ايەلى كۇيەۋىنەن 10 جىلدان بەرى ءزابىر كورىپ كەلە جاتقانىن ايتىپ, كومەك سۇرادى.