Áıelin urdy dep aıyptalǵan qazaqstandyq dıplomat 15 táýlikke qamaldy

Foto: inbusiness.kz

Astana qalasynyń ákimshilik quqyq buzýshylyq isteri jónindegi mamandandyrylǵan aýdanaralyq soty áıelin urdy dep aıyptalǵan Qazaqstannyń BAÁ-degi elshisiniń burynǵy keńesshisi Sáken Mamash qatysty densaýlyqqa qasaqana jeńil zııan keltirý faktisi boıynsha isti qarady. Bul týraly Stan.kz aqparat agenttigi habarlaıdy.

Sot qaýlysymen M., jasaǵan qylmysy úshin kináli dep tanylyp, 15 táýlikke ákimshilik qamaqqa alyndy.

Istiń mán-jaıynan belgili bolǵandaı, elshilik qyzmetkeri janjal kezinde áıeline qatysty fızıkalyq kúsh qoldanǵan.

«Sot otyrysynda M. men onyń qorǵaýshysy ákimshilik quqyq buzýshylyq týraly hattamamen kelispeı, onyń kinási is materıaldarymen dáleldenbegenin, quqyq buzýshylyq jasalǵan jer Qazaqstan Respýblıkasynyń sottylyǵyna jatpaıtynyn kórsetti. Sonymen qatar, M.-nyń áreketi onyń áıelimen arasyndaǵy turmystyq jaǵdaıǵa qatysty qylmystyq is boıynsha jeke tergeý júrgizilýde», –  delingen sot habarlamasynda.

Dıplomattyń áıeli Karına Mamash 5 mamyrda Sáken Mamash úıine qonaqqa kelgen ápkesi men ony uryp-soqqanyn aıtqan edi. Osydan keıin syrtqy ister mınıstrligi Birikken arab ámirlikteri dıplomatyn turmystyq zorlyq-zombylyq jasady degen aıyppen Qazaqstanǵa shaqyryp aldy.

9 mamyrda áıel Astanaǵa oraldy. Qaýipsizdik úshin Karına balalarymen birge daǵdarys ortalyǵyna ornalasty.

Sheneýniktiń áıeli kúıeýinen 10 jyldan beri zábir kórip kele jatqanyn aıtyp, kómek surady.