«Áıeline obal, júregi qaq aıyrylǵan»: Ánderiniń shyǵý tarıhyn aıtqan Qurmash Mahan synǵa qaldy

Elimizge belgili ánshi Qurmash Mahan “Qyzyq Times” baǵdarlamasyna bergen suhbatynda “Ańsarym” ánin qosyla almaǵan ǵashyǵyna arnap shyǵarǵanyn aıtyp, jurttyń synyna qaldy, dep habarlaıdy Qandastar.kz aqparat portaly.

”Jan syrym” ánin bir qyzǵa arnadym. Sosyn ol qyz basqa kisige turmysqa shyqty. Men basqa kisige úılendim. Arada 5 jyl ótkende sol kisi meniń esime túsip, túsime kiredi. Erteńine sol sátke degen saǵynyshpen osy án shyqty. Ol ánge Nazıra Berdaly qaryndasyma qolqa salyp, óleń jazdyrǵanmyn.

“Unaıdy” degen án “Ańsarym” ániniń jalǵasy. Negizi bir keıipkerge 9 án jazyldy. Saǵynyshtan týǵan ánder. Bir mıýzıkl túsirýge bolady. Osy ánderden kıno túsiremiz dep meni qorqytyp júrgen rejısser, dramatýrg dostarym kóp. Ázirge tek aıtyp júr, buıyrsa, kóremiz”, — deıdi ol.

Ánniń tarıhyn bilgen kópshilik óner ıesiniń áıeline qanshalyqty qıyn bolǵanyn boljap, túrli pikir jazǵan.

”Súıikti ánim edi. Tarıhyn bilip, tyńdaǵym kelmeı qaldy”, “Áıeline obal, mynany estip, júregi qaq aıyrylǵan shyǵar”, “О́tirik bolsyn basqa nárse aıtý kerek edi”, “Kóńilim qaldy, otbasy bola tura qalaısha basqa adamǵa án arnaıdy”, “Myna ándi endi tyńdamaımyn”, — dep jazdy olar.

---