«Áıelmin ba, erkekpin ba?»: Atyshýly Iman Helıf málimdeme jasady

Foto: ashyq derekkóz

Parıjdegi Olımpıada oıyndarynda genderlik daýǵa ushyraǵan aljırlik boksshy Iman Helıf altyn medaldi jeńip alýyn daýdyń núktesin qoıǵan jaýap boldy dep otyr.

 Bul týraly ol Reuters agenttigine bergen suhbatynda aıtty.

Onda sportshy árdaıym áıel bolǵanyn jáne áıel bolyp qala beretinin, kóptiń aıaqtan tartqanyna qaramastan tabandylyq tanytqanyn aıtty.

«Bul altyn medal — maǵan qarsy júrgizilgen naýqanǵa eń jaqsy jaýap boldy. Men de kez kelgen áıel sııaqty áıelmin. Áıel bolyp týyldym jáne áıel retinde ómir súrdim, biraq kúndes dushpandarym bar», — dedi Helıf.

25 jastaǵy Halıf 66 keli salmaq dárejesinde fınalda qytaılyq Ian Lıýdi jeńip, Olımpıada chempıony atandy. Bul jeńis aljırlik sportshy úshin segiz jyldyq eńbektiń nátıjesi boldy.

«Bul meniń armanym edi. Segiz jyl uıqysyz ótti, segiz jylym sharshaýmen ótti. Endi mine Olımpıada chempıonymyn. О́te qýanyshtymyn. Meni qoldaýǵa kelgen barlyq adamdarǵa, búkil Aljırge, Parıjge alǵys aıtqym keledi», — dedi Helıf.

Esterińizge sala keteıik, ótken jyly Halyqaralyq boks qaýymdastyǵy Helıfti álem chempıonatynda genetıkalyq synaqtardyń nátıjeleri boıynsha dıskvalıfıkaııalaǵan bolatyn. Bul synaqtarda sportshynyń erlerge tán XY hromosomalyq jıyntyǵy anyqtalǵan-mys. Degenmen, Halyqaralyq Olımpıada komıteti ony jáne taıvandyq sportshy Lın Iýıtındi Parıj Olımpıadasyna qatysýǵa jiberdi. IBA-nyń genderlik synaqtarynyń zańdy emestigin málimdep, olardyń júrgizilýinde kóptegen zań buzýshylyqtardyń bolǵanyn atap ótti.