جاڭالىقتار
ايگىلى Backstreet Boys توبى قازاقستاندا قوس كونتسەرت وتكىزبەك
ايگىلى امەريكالىق Backstreet Boys توبى قازاقستاننىڭ ەكى قالاسىندا كونتسەرت بەرمەك, دەپ حابارلايدى Qandastar.kz توپتىڭ رەسمي سايتىنا سىلتەمە جاساپ.
الماتىداعى كونتسەرت 19-قىركۇيەكتە ورتالىق ستاديوندا, ال استاناداعى كونتسەرت 21-قىركۇيەكتە استانا-ارەنادا وتپەك.
2000 جىلداردا كۋلت بولعان توپ قازاقستاندا ءبىرىنشى رەت ونەر كورسەتپەك.
الماتى مەن استاناداعى كونتسەرت توپتىڭ 30 جىلدىعىنا ارنالعان الەمدىك تۋرنە اياسىندا وتپەك.
بيلەتتەر Backstreet Boys توبىنىڭ رەسمي سايتىندا ساتىلماق.
ۇيىمداستىرۋشىلار بيلەتتەردىڭ قاي ۋاقىتتان باستاپ ساتىلاتىنىن ءالى حابارلامادى.
