الەم جاڭالىقتارى
ايگىلى «شرەك» ءمۋلتفيلمىنىڭ بەسىنشى ءبولىمى قاشان شىعاتىنى بەلگىلى بولدى
فوتو: ۆيدەودان سكرينشوت
Universal ستۋدياسى ايگىلى «شرەك 5» ءمۋلتفيلمىنىڭ قاشان شىعاتىنىن جاريا ەتتى ءارى تۋىندىنىڭ العاشقى ترەيلەرىن جاريالادى, دەپ حابارلايدى qandastar.kz گازەتا.رۋ-عا سىلتەمە جاساپ.
الەم جۇرتشىلىعىنىڭ سۇيىكتى تۋىندىسىنا اينالعان «شرەك 5» ءمۋلتفيلمى 2026 جىلى جەلتوقساندا جارىققا شىعادى دەپ جوسپارلانىپ وتىر.
امەريكالىق جازۋشى ۋيليام ستەيگتىڭ كىتابىنا نەگىزدەلگەن اتالعان مۋلتفيلم العاش رەت 2001 جىلى 18 مامىردا كورەرمەن نازارىنا ۇسىنىلعان بولاتىن. از ۋاقىت ىشىندە الەم بويىنشا ەڭ كوپ قارالعان تۋىندىعا اينالعان تۋىندى اراعا ءبىر جىل سالىپ, 2012 جىلى «ۇزدىك انيماتسيالىق فيلم» نوميناتسياسى بويىنشا وسكار سىيلىعىن يەلەندى.
«شرەك 5» تۋىندىسىنىڭ شىعۋى DreamWorks Animation ستۋدياسىنىڭ 25 جىلدىعىنا ارنالعان. بەلگىلى بولعانداي, مايك مايەرس, ەددي مەرفي پەن كەمەرون دياس ءوز رولدەرىنە قايتا ورالادى.
