ايگۇل احمەتوۆا: وسكەلەڭ ۇرپاقتى وندىرىسكە بەيىمدەۋ كەرەك

قازىر قوعام نازارى كادەگە جاراتۋ الىمىنا (ۋتيلالىم) اۋىپ تۇرعانى جاسىرىن ەمەس.

اتالعان الىمعا قارسى پەتيتسيا جاريالانىپ, 50 مىڭ ادامنىڭ قولى جيىلعانىن بىلەمىز. ەندى پەتيتسيانى قاراۋ ءۇشىن ۇكىمەت مۇشەلەرى, پارلامەنت ءماجىلىسىنىڭ دەپۋتاتتارى مەن قوعام بەلسەندىلەرى, ونەركاسىپ وكىلدەرىنەن جۇمىس توبى قۇرىلماق. بۇعان قاتىستى پىكىر دە سان الۋان. Allur كومپانياسىنىڭ ءبىلىم مەن عىلىمدى دامىتۋ بويىنشا كەڭەسشىسى ايگۋل احمەتوۆا ماسەلەگە قاتىستى ماڭىزدى وي ايتتى.

“مەن ءبىلىم سالاسىنداعى ساپانى ايتقىم كەلەدى. جاقىندا وڭتۇستىك كورەياعا باردىم. 30 جىلدا لوكاليزاتسيا تولىق بولسا, ولار ءبىلىم سالاسىن ءبىرىنشى كۇننەن دامىتقان.

ءوزىم ساتباەۆ اتىنداعى سەكىلدى ۋنيۆەرسيتەتتەرمەن تىعىز جۇمىس ىستەيمىن. بىزدەگى ءبىلىم سالاسى وندىرىستەن تىم الىس.
اقشا, قارجى, سالىقتى ايتامىز, حالىقتى ءبىر كىسىدەي مەن دە ويلايمىن. بىراق قازاق ءتىلىن تەحنيكالىق ءتىل دارەجەسىنە كوتەردىك پە?

ءا.بوكەيحانوۆ ءبىر عاسىر بۇرىن «سوقاسىز, ماشيناسىز, شالعىسىز قازاق بولمايدى» دەپ ايتىپ كەتكەن.
جامان-جاقسى بولسىن زاۋىتتارىمىز بار. ءبىز ەندى نەگە وسكەلەڭ ۇرپاقتى وندىرىسكە بەيىمدەمەيمىز. اقشانى ەمەس, ادامي كاپيتالدى ويلايىق!”, — دەدى ول.

م.سنادين