ايگۇل ەلشىباەۆا حالقىمىزدىڭ قۇندى جادىگەرى رەسەيدە ساقتاۋلى تۇرعانىن مالىمدەدى

بەلگىلى ونەر قايراتكەرى ايگۇل ەلشىباەۆا حالقىمىزدىڭ قۇندى جادىگەرى سانالاتىن باعالى ساۋكەلە تۋرالى ايتتى. ول بۇگىندە رەسەيدىڭ سانكت-پەتەربۋرگ قالاسىندا ساقتاۋلى تۇرعان ساۋكەلەگە قاتىستى قىزىقتى دەرەكتەردى بولىستى.

«بۇل ساۋكەلەنىڭ باعاسى 100-اتتىڭ قۇنىمەن تەڭ. قازىرگى باعامەن شامامەن 50 ميلليون تەڭگە تۇرادى. قازاقتىڭ بايلارى داۋلەتىن ءبىلدىرۋ ءۇشىن قىزدارىن ۇزاتقاندا ارنايى زەرگەرلەرگە سوقتىرىپ, التىن, اسىل تاستارمەن كومكەرىپ جاساعان. بۇل ساۋكەلەنى سىيعا تارتقان لايىقجان دەربىسالى ۇلى بەركىمباەۆ. اقتوبە ۋەزىنەن شىققان كەردەرى ابۋباكىردىڭ جىرلارىنداعى ارناۋى بار «جاعالبايلى جينالسا, دەربىسالىنى ماقتايدى», — دەپ كەلەتىن ولەڭ جولدارىنداعى جاعالبايلى رۋىنان شىققان باي دەربىسالى بايدىڭ بالاسى لايىقجان تاپسىرعان», — دەپ جازدى ول.

ايتۋىنشا, اتالعان جادىگەر بۇگىندە سانكت-پەتەربۋرگ قالاسىنداعى «كۋنستكامەرا» مۋزەيىندە ساۋكەلە ساقتاۋلى تۇر.