Aıgúl Elshibaeva halqymyzdyń qundy jádigeri Reseıde saqtaýly turǵanyn málimdedi

Belgili óner qaıratkeri Aıgúl Elshibaeva halqymyzdyń qundy jádigeri sanalatyn baǵaly sáýkele týraly aıtty. Ol búginde Reseıdiń Sankt-Peterbýrg qalasynda saqtaýly turǵan sáýkelege qatysty qyzyqty derekterdi bólisti.

«Bul sáýkeleniń baǵasy 100-attyń qunymen teń. Qazirgi baǵamen shamamen 50 mıllıon teńge turady. Qazaqtyń baılary dáýletin bildirý úshin qyzdaryn uzatqanda arnaıy zergerlerge soqtyryp, altyn, asyl tastarmen kómkerip jasaǵan. Bul sáýkeleni syıǵa tartqan Laıyqjan Derbisáliuly Berkimbaev. Aqtóbe ýezinen shyqqan Kerderi Ábýbákirdiń jyrlaryndaǵy arnaýy bar «Jaǵalbaıly jınalsa, Derbisálini maqtaıdy», — dep keletin óleń joldaryndaǵy Jaǵalbaıly rýynan shyqqan baı Derbisáli baıdyń balasy Laıyqjan tapsyrǵan», — dep jazdy ol.

Aıtýynsha, atalǵan jádiger búginde Sankt-Peterbýrg qalasyndaǵy «Kýnstkamera» mýzeıinde sáýkele saqtaýly tur.