ايگۇل ورىنبەك : ايتەنوۆتىڭ بۇكىل دۇنيە مۇلكى تەكسەرىلۋىن تالاپ ەتەمىن

فوتو: kyn.kz

زاڭگەر كەشە عانا ءدۇيىم جۇرتتىڭ كوزىنشە ايەل مەن بالالاردى جىلاتقان مارات ايتەنوۆكە شۇيلىكتى, – دەپ حابارلايدى kyn.kz

مارات ايتەنوۆ كەشە استانادا بۇرىنعى ايەلى مەن ءۇش بالاسىن تۇرىپ جاتقان باسپاناسىنان سۇيرەپ شىعارىپ تاستاعان. بۇل تۋرالى دانا اتەشوۆانىڭ ءوزى جەلىدەگى پاراقشاسىندا جازدى جانە بولعان وقيعادان ۆيدەو جۇكتەدى. ۆيدەودا ۇيدەن شىعارىلعان قىز بالانىڭ مۇرنى قاناپ, ۇل بالا شىرقىراپ جىلايدى. ال ءجۇزىن جاسىرۋعا ءتىرىسوان ەر ادام  دانا اتەشوۆانى پوليتسيا, قۇتقارۋشىلار مەن سوت ورىنداۋشىلاردىڭ كوزڭنشە  اياعىنان سۇيرەپ, شاشىنان تارتقىلاپ دالاعا شىعارىپ تاستاعان.

زاڭگەر ايگۇل ورىنبەك پرەزيدەنتكە مارات ايتەنوۆتىڭ قاتىگەز ارەكەتىن كورسەتۋدى سۇراعان. مۇنىمەن قويماي مارات ايتەنوۆتىڭ بۇكىل دۇنيە مۇلكى قايدان كەلگەنىن تەكسەرۋدى تالاپ ەتكەن.

اتەشوۆانىڭ ايتۋىنشا, ءۇي زاڭدى تۇردە مۋساليموۆ ارسەنگە راسىمدەلگەن, الايدا جىلجىمايتىن م ۇلىك ايتەنوۆكە تيەسىلى. ۆيدەودا ەر ادام اتەشوۆانىڭ شاشىنان سۇيرەپ, ونى ۇيىنەن كۇشتەپ شىعارىپ جىبەرگەنى كورسەتىلگەن. جاپا شەگۋشى بۇل ادامنىڭ شىمكەنت قالاسىنىڭ ەكس-اكىمى مۇرات ايتەنوۆتىڭ اعاسى مارات ايتەنوۆ ەكەنىن ايتادى.

دانا اتەشوۆا بۇرىنعى جۇبايىن اتا-انا قۇقىعىنان ايىرۋعا نيەتتى ەكەنىن ايتتى.

«ەڭ وكىنىشتىسى, ول پوليتسيانىڭ الدىندا زورلىق-زومبىلىق جاسادى. ولاردىڭ مەنى قورعاماعانى قاتتى رەنجىتتى! مەن ايتەنوۆتى اتا-انا قۇقىنان ايىرۋ تۋرالى ءوتىنىش جاساعىم كەلەدى, – دەپ جازدى ول.

شىمكەنتتىڭ ەكس-اكىمىنىڭ اعاسى مارات ايتەنوۆتىڭ بۇرىنعى جۇبايى دانا اتەشوۆا ءوزىنىڭ بۇرىنعى كۇيەۋىنەن, ياعني مارات ايتەنوۆتەن بۇعان دەيىن دە بىرنەشە رەت زورلىق-زومبىلىققا ۇشىراعانىن مالىمدەگەن بولاتىن.

2023 جىلدىڭ 17 ساۋىرىندە ايەل ەلورداداعى جوعارعى سوتقا قارسى پيكەت ۇيىمداستىردى. استانا قالاسىنىڭ ەسىل اۋداندىق سوتى ايەلدى جانە ونىڭ ءۇش بالاسىن كوشىرۋ تۋرالى شەشىم شىعارعانى جانە اكەسىن زاڭ بويىنشا اليمەنت تولەۋگە مىندەتتەلمەگەنى بەلگىلى بولدى.

اتەشوۆا مۇنداي ادىلەتسىزدىك بۇرىنعى كۇيەۋىنىڭ ىقپالدى شەنەۋنىكپەن قارىم-قاتىناسىنا بايلانىستى دەپ بولجايدى.