Aıgúl Orynbek : Áıtenovtyń búkil dúnıe múlki tekserilýin talap etemin

Foto: kyn.kz

Zańger keshe ǵana dúıim jurttyń kózinshe áıel men balalardy jylatqan Marat Áıtenovke shúılikti, – dep habarlaıdy kyn.kz

Marat Áıtenov keshe Astanada burynǵy áıeli men úsh balasyn turyp jatqan baspanasynan súırep shyǵaryp tastaǵan. Bul týraly Dana Áteshovanyń ózi jelidegi paraqshasynda jazdy jáne bolǵan oqıǵadan vıdeo júktedi. Vıdeoda úıden shyǵarylǵan qyz balanyń murny qanap, ul bala shyrqyrap jylaıdy. Al júzin jasyrýǵa tyrysóan er adam  Dana Áteshovany polıııa, qutqarýshylar men sot oryndaýshylardyń kózńnshe  aıaǵynan súırep, shashynan tartqylap dalaǵa shyǵaryp tastaǵan.

Zańger Aıgúl Orynbek prezıdentke Marat Áıtenovtyń qatygez áreketin kórsetýdi suraǵan. Munymen qoımaı Marat Áıtenovtyń búkil dúnıe múlki qaıdan kelgenin tekserýdi talap etken.

Áteshovanyń aıtýynsha, úı zańdy túrde Mýsalımov Arsenge rásimdelgen, alaıda jyljymaıtyn múlik Áıtenovke tıesili. Vıdeoda er adam Áteshovanyń shashynan súırep, ony úıinen kúshtep shyǵaryp jibergeni kórsetilgen. Japa shegýshi bul adamnyń Shymkent qalasynyń eks-ákimi Murat Áıtenovtiń aǵasy Marat Áıtenov ekenin aıtady.

Dana Áteshova burynǵy jubaıyn ata-ana quqyǵynan aıyrýǵa nıetti ekenin aıtty.

«Eń ókinishtisi, ol polıııanyń aldynda zorlyq-zombylyq jasady. Olardyń meni qorǵamaǵany qatty renjitti! Men Áıtenovti ata-ana quqynan aıyrý týraly ótinish jasaǵym keledi, – dep jazdy ol.

Shymkenttiń eks-ákiminiń aǵasy Marat Áıtenovtiń burynǵy jubaıy Dana Áteshova óziniń burynǵy kúıeýinen, ıaǵnı Marat Áıtenovten buǵan deıin de birneshe ret zorlyq-zombylyqqa ushyraǵanyn málimdegen bolatyn.

2023 jyldyń 17 sáýirinde áıel elordadaǵy Joǵarǵy sotqa qarsy pıket uıymdastyrdy. Astana qalasynyń Esil aýdandyq soty áıeldi jáne onyń úsh balasyn kóshirý týraly sheshim shyǵarǵany jáne ákesin zań boıynsha alıment tóleýge mindettelmegeni belgili boldy.

Áteshova mundaı ádiletsizdik burynǵy kúıeýiniń yqpaldy sheneýnikpen qarym-qatynasyna baılanysty dep boljaıdy.