ايگۇل ورىنبەك قايىرىمدىلىق قورلارىنا قاتىستى ويىمەن ءبولىستى

فوتو: اشىق دەرەككوز

قايىرىمدىلىق قورلارىنا قاتىستى زاڭگەر, ۇلتتىق قوعامدىق سەنىم كەڭەسىنىڭ مۇشەسى ايگۇل ورىنبەك ويىن ايتتى, دەپ جازادى qandastar.kz

«نيەتى دۇرىس ەمەس ادامدار جەكە باس پايداسى ءۇشىن قور اشىپ, حالىققا ارزان ۇيلەر الىپ بەرىپ, قىمبات ءۇي سىيلاپ جاتقانداي كورسەتەتىن بولعان. بۇل دابىل قاعاتىن دۇنيە. ويتكەنى حالىققا پايداسىن تيگىزىپ جاتىر ما تەرروريستەردى قارجياىاي قامتاماسىز ەتىپ جاتىر ما بەلگىسىز. سەبەبى مۇنىڭ ەسەبى, سۇراۋى بولماعاننان كەيىن وسىنداي جاعدايلار ورىن الىپ جاتىر. قورلاردى بۇرىننان-اق تەكسەرۋ كەرەك ەدى. ءتىپتى قورلاردى اشقىزۋعا تىيىم سالۋ كەرەك”, – دەيدى پرەزيدەنت جانىنداعى ۇلتتىق قوعامدىق سەنىم كەڭەسىنىڭ مۇشەسى ايگۇل ورىنبەك.

ول حالىق ءار تيىننىڭ ەسەبىن سۇراعان كەزدە عانا جاعدايدىڭ تۇزەلەتىنىن ايتتى.

«بارلىق قورلاردى جابۋ كەرەك. ءتىپتى اكىمدىك تاراپىنان اشىپ الىپ, ارام اقشانى دا قورلارعا اۋدارىپ جاتقاندار بار. تەك قانا مەملەكەتتىڭ باقىلاۋىنداعى قورلارعا عانا اقشا اۋدارىڭىزدار. ال ادامداردى قىزىقتىرۋ ارقىلى بىرەۋدىڭ قايعىسىن كورسەتىپ جاتقاندارعا كۇمانمەن قاراۋ كەرەك. حالىق ءاربىر تيىننىڭ ەسەبىن سۇراۋى قاجەت”, – دەيدى ول.