جاڭالىقتار
ايگۇل ورىنبەك: شىمكەنت پوليتسياسىندا اناسىن ۇرعان ادام جۇمىس ىستەپ ءجۇر
فوتو: : Aigul Orynbek فەيسبۋك پاراقشاسىنان
قوعام بەلسەندىسى ءارى زاڭگەر ايگۇل ورىنبەك شىمكەنت پوليتسياسىنداعى جاعداي تۋرالى جەلىگە جازبا جاريالاپ, دابىل قاتتى. زاڭگەر ءتىپتى, قر ىشكى ىستەر مينيسترىنە ۇندەۋ جاسادى, دەپ حابارلايدى Skifnews.kz اقپارات پورتالى.
ونىڭ جازۋىنشا, اناسىنا قول كوتەرىن پوليتسەيگە سۋديا جاي ەسكەرتۋ بەرگەن.
«ءبىزدىڭ شىمكەنت پوليتسياسىندا اناسىن ۇرعان ادام جۇمىس ىستەپ جاتىر!
اناسىنا قول كوتەرگەن پوليتسيا قىزمەتكەرىنە سۋديا ءجاي عانا «ەسكەرتۋ» بەرىپتى.
دۋمان تاەۆ مىرزا!
ءوز تۋعان اناسىن تاياققا جىعىپ, ۇرىپ تاستايتىن جانە اۋرۋحانادان ءبىر-اق شىعاراتىن ءتارتىپ ساقشىسى ارى قاراي جۇمىسىن جالعاستىرا بەرە مە? سوت شەشىمىندە بۇل پوليتسيا قىزمەتكەرىنىڭ ءوز اشۋىن تەجەي الماي تۋعان اناسىن ۇرىپ, ءتىپتى دەنساۋلىعىنا قاساقانا زيان كەلتىرگەنى ەكسپەرتيزامەن دالەلدەنگەنى كورسەتىلگەن!
مينيستر ەرجان سادەنوۆ مىرزا!
بۇل – پرەزيدەنتىمىز ق.ك.توقاەۆتىڭ «حالىققا جاقىن پوليتسيا» تۇجىرىمداماسىنا قارسى ءىس-ارەكەت!
پسيحيكاسى ءالسىز, نازىكجاندى ايەلدەرمەن ءجيى كونفليكتىگە كەلەتىن, ءتىپتى, تۋعان اناسىنا قاساقانا قول كوتەرەتىندەر قالاي پوليتسياعا قابىلدانعان? اناسىنا جانى اشىماعان پوليتسيا قىزمەتكەرى, حالىققا قايدان جانى اشىسىن? سول كۇنى «102» قوڭىراۋىمەن شاقىرىلعان ءتارتىپ ساقشىلارىنا العىس بىلدىرەمىن! «ءوزىمىزدىڭ ارىپتەس قوي» دەپ, ءىستى «جىلى» جاۋىپ قويماي, سوتقا دەيىن جەتكىزگەن! جۋرناليستەر قاۋىمى, ەگەر سوت قاۋلىسى كەرەك بولسا, «سوت كابينەتىنەن» تانىسىپ-كورە الاسىزدار!», – دەپ جازدى ايگۇل ورىنبەك الەۋمەتتىك جەلىدەگى پاراقشاسىندا.
