Aıgúl Orynbektiń ustalǵany jóninde aqparat tarady: zańgerdiń ózi habarǵa shyqty

Foto: ashyq derekkóz

Aıgúl Orynbektiń ustalǵany jóninde aqparat tarady, dep habarlaıdy Qaz365.kz.

Bul týraly aldymen, jýrnalıst Mıhaıl Kozachkov telegram-arnada jazdy.

«Shymkentten @ Koza4kov_bot-qa bloger Aıgúl Orynbek búgin sol jerde ustalǵany týraly aqparat jetti. Qazir ol polıııada. Onyń esimi «alaıaqtyq», «sotqa deıingi is júrgizý derekterin jarııa etý» jáne «sot tóreligin júzege asyrýǵa kedergi jasaý» baptary boıynsha tirkelgen qylmystyq is sheńberinde atalady. Bastapqy derekkózge silteme jasaýdy umytpańyzdar, kotıkter», – dep jazǵan Mıhaıl Kozachkov.

Zańger Feısbýktegi sońǵy jazbasyn keshe jarııalaǵan. Ol jazbasynda sport basqarmasynyń satyp alý portalynda qyrkúıek aıynda 893 mln. teńge qarajatqa bir kózden memlekettik satyp alý jarııalanyp, qorytyndy shyqqanyn jazǵan.

«Shymkent qalasy ákimdigi Sport basqarmasynyń basshysy Maratbek Myqtybekov,  7 qazan kúni máslıhat depýtattarynyń aldynda “Ordabasy komandasynyń legıonerlerine gonorarǵa” dep 1 mıllıardttan astam qarajat suraǵan. Odan bólek, jyl sońyna  eki aı qalǵanda taǵy 1 mlrd astam qarajat ne maqsatta surap otyrsyz Maratbek myrza? Osyndaı sommalar bir kózden berilgeni qanshalyqty zańdy? Jyl basynda Ordabasyǵa bólingen 5 mlrd nelerińe jetpeı jatyr Shymkent qalasy ákimdigi? Onyń barlyǵy qaıda ketip jatyr? Máslıhat depýtattary aqsha surasa nege bere beresizder? QR Bas prokýratýrasy  Prezıdenttiń tapsyrmasyn oryndamaıtyn basshylardy tergep tekserýdi  suraımyn. Mınıstr Erbol Myrzabosynov! Sizdi sport salasyn tazalaýǵa kelgenińizdi bilemin. Bizdiń Shymkent qalasyna kóńil bólýińizdi suraımyn», – dep jazǵan Aıgúl Orynbek.

Qaz365.kz tilshisi Aıgúl Orynbektiń ózine habarlasty. Ol vatsap arqyly «bári durys» dep jaýap berdi. Tolyqqandy aqparat aldaǵy ýaqytta beriledi.